Komîteya Sûrî-Tirkî ya Hevbeş, civîna xwe ya rolî li navenda rêveberiya koçberiyê li bajarê Istenbolê li dar xist, têde behsa pêşketina karê xwe yê derbarê şopandina rewşa sûriyan li tirkiyê kirin, herweha mijara alîkariya derbider û koçberan li Idlibê û gundewarê Helebê bi hevkariya li gel saziyên hawarçûnê yên tirkî gengeşe kir.
Û serokê Hevbendiya Niştimanî ya Hêzên Şoreş û Rikberiya Sûrî , Enes Elebdê, li gel hejmarek ji endamên Hevbendiyê û teknîkkar di civînê de beşdar bû, û ji aliyê Tirkî ve cîgirê wezîrê navxwe yê Tirkyê , Ismaîl Şitiklî, û rêveberê Koçberî ya Tirkyê Evdella Ayaz û hin karmendên pilebilind ên rêveberiya koçberiyê de amade bûn.
Û Ebde karê komîteyê yê jibo çareserkirina rewşa sûriyên li Tirkiyê bilind nirxand, bi taybetî yê girêdayî dana “kîmîkan”bo xwendekarên dibistanan û malbatên wan li Istenbolê, herweha kartêkerkirina qeyda kesên ku qeydkirina wan hatibû tunekirin, û tekez kir ku komîte di cîbicîkirina hejmarek mezin ji armancên xwe de biser ket, û ber bi qonaxên nû yên kar de pêşde diçe.
Û herdû aliyan li ser berhevkrina komîteyên şaxan yên Komîteya Sûrî-Tirkî ya Hevbeş li hemî iyaletên ku hejmarên mezin ji sûriyan lê dijîn wek Orfa , Hatay , Mersîn û Eyntab jibo şopandina rewşa sûriyan û çareserkirina arîşeyên wan li hev kirin.
Û herdû aliyan tekezî li ser giringiya ku tevaya sûriyên kimlikên wan hene ber bi navendên fermî de biçin jibo nûjenkirina datayên xwe û vegerandina qeydkirina kesên ku qeyda wan hatiye rawestandin kirin, û derbarê xwedanên karta niştecîbûna geştyarî, giringî dan çesipandina cihê niştecîbûnê yê durist li navendên nifûsê.
Û aliyê Tirk behsa danîna pirogramên tekûz jibo vekirina korsên rahênanê û sîmînar û çalakiyan, da rewişt û tîtalên Tirkyê bi sûriyan bidin naskirin, herweha wan bi yasayên turkey agahdar bikin, da alîklar be jibo guncandina wan bi jiyana li Tirkyê re, û tekez kir ku dê Komîte di karê xwe de jibo alîkariya sûriyan di serrastkiria rewşa wan ya yasayî de berdewam be, da rastî ti arîşeyan neyên, û rewşa wan aram bimîne.
Herweha civînê behsa rewşa bobelatî ya Idlibê kir, û cîgirê wezîr tekez kir ku Wezareta Navxwe ya Tirkyê pir jibo pêşkêşkirina alîkariyan ji derbideran re û dabînkirina hewcedariyên wan ên bingehîn kar dike, bi alîkariya saziyên mirovahî yên tirkî û di serî de saziya Afad.
Jêder: Ofîsa Ragihandinê ya Hevbendiya Nişrimanî ya Sûrî
