Girûpa Karê Yasayî û Mafên Mirovan di Hevbendiya Niştimanî ya Sûrî de, duh şemiyê, li baregeha Hevbendiya Niştimanî li bajarê Ezazê, komxebatek bi navê “Pêşxistina yasayan pêwîstiyeke civakî û dezgehî ye ji bo mukumkirina dadwerî û mafan”, bi beşdariya hejmarek lêkolîner, mafnas, pispor û nûnerekî hikûmeta demkî ya Sûriyê li dar ket.
Armanca komxebatê ew bû dabînkirina platformekê ji beşdarên di gengeşekirina ketwara yasayan li herêmên rizgarkirî re û rawestana li ser rêyên pêşdebirina wê, û hevrêzkarê Girûpa Karê Yasayî û Mafên Mirovan Ebdulbasit Ebdulletîf li ser rola yasayan di bidestxistina maf û dadmendiyê de axivî, û axêverên sereke behsa aliyên civakî yên pêşxistina yasayan û bandora wan li ser civaka xwecihî û rola desteyên yasadanînê û saziyên hikûmetê, û çawaniya pêşxistina yasayên heyî, û peymana kar a Şoreşa Sûriyê ya Azadiyên Giştî nirxandin.
Kesên amade li ser pêwîstiya pêkanîna guhertinan di katwarê de bi riya yasayên ku pirsgirêkên awarte çareser dikin hevfikir bûn, û gihan hin encaman, wek: avakirina dadweriyeke rêvberî ji bo dozên jinavbirin û qerebokirinê, û nêrîna xwe li ser mijarên ku hewcedarî fetwayên wan e dide, û avakirina encûmeneke dadwerî ya bilind û desteyek giştî ji bo dadgeha redkirinê ji bo dagirtina beşekî ji valahiya yasayî ya heye.
Beşdaran li hev kirin li ser giringiya piştgiriya guhertinên ketwar bi mîkanîzmên yasayî û pisporan û kesên taybetmend, da madeyên ku divê bên hilanîn di sîstema yasaya Sûriyê de di bin çavan re derbas bikin, û pêşniyarên tên xwestin pêşkêş bikin, her weha derxistina yasayên pêwîst ji bo şerê li dijî madeyên hişber, û kontrolkirina hilgirtina çekan, û mukumkirina rola jinan di jiyana giştî de, û derbaskirina agahiyên mafên mirovan di nav rêbazên dibistan û zanîngehan de û avakirina enstîtuyên bilindkirina asta karînan di warên curbicur de.
Jêder: Ofîsa Ragihandinê ya Hevbendiya Niştimanî ya Sûrî
