Sibeha îro Pêncşemê, komxebata “Plana Niştîmanî ya Hevbeş a ji bo Pêşvebirina Bakurê Sûriyê – Hevtemamkirina Rolan” ya ji aliyê Girûpa Kar a Rêxistinên Civaka Sivîl a Sûriyê ve li bajarê Gazîentabê, bi beşdariya hejmarek ji nûnerên wezaretên hikûmeta demkî yên pêwendîdar û nêzîkî 30 rêxistinên civaka sivîl ên Sûriyê hat lidarxistin.
Hevrêzkara Girûpê Naziha Akdenîz tekezî li ser giringiya vê komxebatê û rola wê di diyarkirina mîkanîzma hevkarî û hevahengiyê di navbera Hevbendiya Niştimanî û saziyên wê yên cîbicîkar ligel rêxistinên civaka sivîl yên Sûriyê ku li navçeyên rizgarkirî kar dikin kir.
Wê amaje kir ku Hevbendiya Niştimanî hêviyên mezin bi vê komxebatê ve girêdide ji bo pêşxistina pilaneke niştimanî ya hevbeş ku dibe alîkar di kêmkirina azarên sivîlan li navçeyên rizgarkirî û beşdariyê di xebata guhertina ketwara Sûriyê de dike.
Wê bal kişand ser pêwîstiya xweguncandina bi pêşketinên navçeyî û navdewletî û zêdebûna alozbûna qeyranan di wan de re, di dema kêmbûna berdewam di budceyên bernameyên navdewletî yên alîkariya mirovî ji bo Sûriyê û kêmbûna rêjeya welatên ku sozên xwe bi cih tînin, û rêjeya malbatên ku di bin xeta hejariyê de ne ji %90 derbas dibe, lewra pêwîstî bi bilindkirina şiyanên hilberînê li Sûriyê heye.
Her weha çavdêrê çalakiyên Girûpa Kar a Rêxistinên Civaka Sivîl Fîras El-Mesrî, tekezî li ser pêwîstiya danîna planeke tekûz ji bo pêşxistina Bakurê Sûriyê kir, û amaje bi wê yekê kir ku dê Komxebat bi rêxistinên Sûrî re awayên veberhênana karînên xwemalî û dagirtina kêmasiyên di finansekirinê de hene û deverên cografî ji aliyê bandor û dabeşkirina peywiran de gotûbêj bike.
Û El-Mesrî got: “Emê pişta xwe bispêrin pisporiya xwe ya niştimanî ji bo baştirkirina rewşa bakurê Sûriyê, bûdceyên alîkariyên mirovî ji bo Sûriyê kêm bûne, û welatan heta niha erkên xwe bicîh neanîne, lê em ê ji bo kêmkirina azarên gelê me yê Bakur bi hemû karîna xwe ya heyî kar bikin.”
Jêder: Ofîsa Ragihandinê ya Hevbendiya Niştimanî Sûrî
