Îro înê, Girûpa Kar a Lêkolîn û Rawêjên Stratejîk û Girûpa Kar a Partî û Şepêlên Siyasî yên Hevbendiya Niştimanî ya Sûrî, komxebatekê bi sernavê “Berfirehbûna Israîla Dagirker ber bi Libnanê ve û şerên hevparên Îranê û bandora wan li ser Sûriyê” bi amadebûna hejmarek ji nûnerên partî û şepêl û navendên vekolînan li dar dixin.
Komxebat li ser çend mijaran disekine, di nav wan de: Heta çi radeyê dikarin ji hejmûna Îranê û kontrolkirina wê ji Sûriyê re rizgar bibin û ziyanên wê li ser şoreşa Sûriyê bi dawî bikin, û derfetên li pey van bûyeran ji bo sûdwergirtina ji wan di pêkanîna hêviyên gelê Sûriyê yên azadî, rûmet û demokrasiyê de, ji bilî texmîna rûxandina rêjîma Esed yan guhertina reftarên wê û tevlîbûna wê bi awayekî cidî di pirosesa siyasî ya di bin çavdêriya Netewên Yekbûyî de û rola aliyên herêmî û navneteweyî di dema bê de.
Komxebatê her wiha çend pirsiyar gengeşe kirin, bi taybetî: Gelo biryara bidawîanîna hejmûna Îranê li herêmê hatiye dayîn, yan jî operasyonên leşkerî hê jî bi armanca kêmkirina bandora wê û guncandina wê bi siyasetên Israîla dagîrker re ye? Dê şer li Xezze û Libnanê sînordar be yan dê ber bi welatên din jî ve biçe? Û armanca wî şerî tunekirina milîsên Hizbullahê di warê leşkerî de ye yan jî lawazkirina wê û parastina rola wê ya siyasî li Libnanê ye? Gelo dê Encama hilbijartinên Amerîkayê biryara Amerîkayê ya bidawîkirina bandora Îranê li navçeyê yekalî bike?
Jêder: Ofîsa Ragihandinê ya Hevbendiya Niştimanî ya Sûrî
