Kovara “National Interest” ya Emrîkî, got ku rijêma Esed stûnê pişta piraniya dijminên ciyopolîtîk ên Emerîka ye, ji wan Îran, Rusya, Hizbullah û yên din, û hişyarî da her aliyekî ku bixwaze têkliyan pê re normal bike an alîkariya wê di rabûna ser piyan de bike.
Û kovarê cext kir ku nêzîkbûna ji Esed û xurtkirina rijêma wî daku ji nûde tevaya Sûriyê bike bin kontirola xwe, dê dijminên Emrîka bike yek û wan bihêz bike, û ji rêveberiya Emrîka xwest ku van rastiyan nas bike û pabendiyê bi alîkariya gelê Sûriyê di veguhestina berve demoqrasiyê û bidawîanîna desthilata Esed ya diktatorî bike.
Û kovara Emrîkî dît ku mana rijêma Beşar Esed li ser desthilatê, sivkatî ye bi nirxên rojavayî, û gefeke cîhanî ye, û metirsiyeke nêzîk e li ser ewlehiya netewî ya Emrîka.
Û Sekretêrê Desteya Siyasî ya Hevbendiya Niştimanî ya Sûrî Ebdilmejîd Berekat, xweşhaliya xwe derbarê wan hişyariyan diyar kir, û tekez kir ku metirsiya rijêma Esed ne tenê li ser gelê Sûriyê ye, lêbelê metirsiya wê li ser civaka navdewletî bi temamî heye.
Û Berekat got ku rijêma ku bazarên cîhanê tijî keresteyên hişbir dike, bi armanca ku xezîneya xwe bi diravên biha mişt bike, û milîsan bo çêkirin û belavkirina keresteyên hişbir û derbaskirina wan bo dewletên derdorê bikar tîne, dê karibe wan keresteyan bighêne tevaya dewletên cîhanê li gel hevparên xwe yên Hizbullah û rijêma Îranê, û bal kişand ser ku metirsiya berdewamiya Esed li ser desthilatê berjewendiyên dewletan dixe bin gefê, ji bilî metirsiya wê ya herdem li ser gelê Sûriyê.
Jêder: Ofîsa Ragihandinê ya Hevbendiya Niştimanî ya Sûrî
