Ebdulhemîd Temo, endamê Hevbendiya Niştimanî Ya Hêzên Şoreş Û Rikberiya Sûriyê, tekez kir ku kiryarên milîşiyayên PYD wek yên rêxistina DAIŞ a terrorist in , û PYD bûye wek “DAIŞa Kuran”.
Û Temo,berpirsê peywendiyên derve yê “Şepêla Pêşerojê”, dilgiraniya xwe der barê gerandina PYD, berî çend rojan, ji laşên endamin ji Artêşa Azad re, li ser kemyoneke vekirî li bajarê Efrînê li gundewarê Helebê anî ziman, û got:” dema Ereb van dîmenan dibînin, nabêjin ku rêxistina PYD li pey van karan e, lê dibêjin ku kurd vê kiryara kirêt dikin, û me wek “Şepêla Pêşerojê” daxuyaniyek deranî, me têde diyar kir ku Kurd ji kiryarên vê Rêxistinê bêrî ne”.
Û Temo diyar kir ku PYD bizavê ji bo cîbecîkirina armancên Rûsiya û Îranê dike, bi çêkirina şerekî tayfeperestî û nijadperestî di nav Kurd û Ereban de, û ew fermanên xwe ji serkirdeyên Rêxistina PKK ya terrorist ya li Çiyayê Qendîlê li bakurê Îraqê distîne.
Û derbarê şer û pevçûnên di nav endamin ji milîşyayên PYD û hêzên rêjîma Esed, yên vê dawiyê li bajarê Qamişlo derketin, Temo tekez kir ku ew pevçûn tenê lîstikek bûn, û herdû alî dixwazin raya giştî bixapînin, û ji xelkên cîhanê re bidin xuyakirin ku ew Rêxistin piştî şer û pevçûnê bi hêzên rêjîma Esed re destê xwe datîne ser erdê, û Rêjîm ji neçarî wan deverên derdora cihên pevçûnê ji destê xwe berdide.
Jêder: Hevbendî