Saziya Lêborîna Navnetewî piştrast kir ku êrîş bi çekên qedexekirî ji aliyê rejîma Esed û balafirên Rûsan li ser sivîlên Idlibê hatine pêkanîn, û Hevbendiya Niştimanî ya hêzên şoreş û rikberiya Sûriyê ev yek bi belgeyên nû dît yên dikevin di nav rêza tawanên şer de yên pêdivî bi destêwerdana Netewên Yekbûyî heye ji bo wan bidawî bike.
Saziya Lêborîna Navnetewî (Amnesty) li roja înê, raportek li ser malpera xwe ya fermî belav kir û têde bang li civaka navnetewî kir, ji bo bikaranîna bandora xwe ji bo bidawîkirina êrîşên ne yasayî ji aliyê hêzên rejîmê û hevpeymana wê Rûsya li parêzgeha Idlibê, û rê bigire li pêşiya ziyanên mirovî yên zêdetir.
Amnesty diyar kir ku ji aliyê hêzên rejîmê û piştevanîya Rûsiya, êrîşên dijwar li dijî sivîlan li Idlibê têne pêkanîn bi bikaranîna cebilxane û çekên qedexekirî û bermîlên teqîner û diyar kir ku, “wisa xuya dike, ku ev destpêkeke ji bo êrîşrke leşkerî ya çaverêkirî li ser asteke berfireh”.
Û raportê destnîşan kiriye ku herî kêm 13 êrîşên di navbera 7 û 10 îlon/ september de, li ser gundewarê başûrê Idlibê hatine pêkanîn, û diyar kiriye ku di encamê de, 14 sivîl hatine kuştin û 35 kesên din hatine birîndarkirin.
Diyana Sem’an, lêkolînera taybet bi karubarê Sûriyê, diyar kir ku “rojane rejîm cebilxane û çekên goşeyî yên qedexekirî û bermîlên teqîner li dijî deverên cuda yên Sûriyeyê bikar tîne “, û got ku ev yek dibe bi armanca “Zirar û tirsandina sivîlan”, û tekez kir ku rejîm “niha dest bi dubarekirina van kiryarên tirsnak li Idlibê dike, û ti sedem nînin ku em bawer bikin ku ew dê dest ji van kiryaran berde”.
Herî kêm sê milyon kes li Idlibê dijîn, û nêvî ji wan koçber in ku ji aliyê rejîmê û Rûsya ji Helebê û Xûta rojhilat û Dareya û Qelemon û bejahiya bakurê Humsê û Der’ayê bi darê zorê ji deverên xwe hatine ber bi Idlibê koçber bûne.
Li gorî ajansên mirovî yên Netewên Yekbûyî, ku pêwîstiya zêdetir ji du milyonan kes li Idlibê ya lezgîn bi xwarin û avê û çavdêriya saxlemiyê heye.
Ji aliyê xwe ve, serokê Hevbendiya Niştimanî ya hêzên şoreş û rikberiya Sûriyê Ebdul Rehman Mistefa, piştrast kir ku operasyonên sîstematîk yên rejîmê û Rûsiya hene ji bo neçarkirina welatiyên Sûriyê da ku xwe teslîm bikin, û diyar kir ku ev yek di topbarana navendên pizîşkî de xuya dike.
Wî tekez kir ku tiştên li Idlibê û taxên wê dibin digihêje asta tawanên şer, û got ku ev yek “bi piştevanîya dewleteke berpirs ji bo ewlekariya navnetewî dibe, ku ew berpirsiyar e li hemberî zêdebûna dijberiya yasa navnetewî bi riya parastina rejîma Esed û veşartina tawanên wê”, wek nîşaneke zelal û amajeyek bi Rûsyayê.
Jêder: Ofîsa Ragihandina Hevbendiya Niştîmanî ya Sûriyê