Çalakvanên bajarê Kobanê dibêjin ku rola Partiya Yekîtiya Demuqrat PYDê li dijî Kurdan wek rola rêjîma Esed xirab e ,û carna jê dijwartir e.
Çalakvan Ferhan Mihemed ji malpra me re ragihand “PYDê bi hezaran xortên Kurd dan kuştin û her wiha bi hezarn zarokên me bê razîbûna xwediyên wan leşker kirin û ev kar ji karê rêjîmê xirabtir e“.
Mihemed diyar kir ku PYDê bajarên Kurdan ji Kurdan vala kirine û bêtirî ji milyonk welatî hatine koçberkirin, Rêjîma Esed nikarîbû bi vî awayî xelkê koçber bike lê PYDê kir.
Mihemed tekez kir ku PYDê serkeftin ji Kurdan re peyda nekir tenê xizmeta Esed û Emerîka dike bi rûmet û dilsozî , lê dê rola wê nêzîk bi dawî were.
Ji aliyê xwe ve, çalakvan Azad Derwîş ji malpra me re ragihand ku PYDê di warê siyasî de rolek herî xirab lîst bi dehan xort kuştin û bi sedan girtin da ku tevgera Kurdî ya siyasî tune bike û PYDê nikare kesî ji bilî xwe qebûl bike, û li dijî Encumana Niştimanî ya Kurdî eşkere kar dike.
Her wiha Derwîş tekez kir ku nerazîbûnek pir mezin ji kiryarên PYDê li herêmên Kurdî heye û bal kişand ser ku eger rewşa PYDê wiha bimîne dê zirarên mezin bide Kurdan.
Tê zanîn ku PYDê piştî şoreşa Sûriyê têkliyên xwe bi rêjîma Esed re xurt kir û li hember xelkên sivîl bi çekan sekinî da ku xwenîşandan rawestîne.
Jêder: Beşê Kurdî ji Ofîsa Ragihandina Hevbendiya Niştimanî ya Kurdî
