Li beyaniya îro, roja şembiyê, desteya giştî ya Hevbendiya Niştimanî ya Hêzên Şoreş û Rikberiya Sûriyê dest bi civînên xwe yên xula 39’an kir, û têde ji aliyê endamên desteyê dawîtirîn pêşhat û guhertinên meydanî û siyasî hatin gengeşekirin, û di serî de fayilê tawanên şer û berdewamiya binpêkirinan li ser sivîlên Sûriyê yên ji aliyê rijêma Esed û Rûsiya û Îranê ve dibin.
Zincîra kiryarên koçberkirina neçarî yên têne pêkanîn û ya vê dawiyê li gundewarê bakurê Himusê û tevlî yên li Xûta rojhilat, ji aliyê desteya giştî bi tundî hatin şermezarkirin.
Û tekez kirin ku bikaranîna berdewam ya çekê kêmyayî ji aliyê rijêma Esed ve, dijberiyeke eşkere ji NY û biryarên navdewletî re tê dîtin, û cext li ser giringiya aktivkirina dadgeha tawanên navdewletî û dadgehkirina Bişar Esed û sercem darudestekên rijêma wî kirin.
Û ecindeya karubarên civînan ji pêşkêşkirina raportên navxweyî û raporta derbarê desteya danustandinên Sûriyê, û rewşa siyasî û pesindkirina rênexşeya karê qonaxa dahatî, tevlî piroseya helbijartina desteyeke serokatiyê û ya siyasî ya nû ji bo heyamê salekî pêk tê.
Jêder: Ofîsa Ragihandina Hevbendiya Niştimanî
