Hevbendiya Niştimanî ya Sûrî û desteya Erkana Artêşa Sûrî ya Azad tekez kirin ku gazîkirina Rûsiya ji kongirê Sûtçî re dibe derketina ji çarçoveya danustandinên Cinêv û îradeya navdewletî ya ji bo veguhestina siyasî li Sûriyê ya libin çavdêriya NY.
Duhî Hevbendiya Niştimanî di daxuyaniyekê de tekez kir ku gazîkirina vê kongirê tê bi armanca pûçkirina sercem biryarên encûmena ewlehiyê yên pêwendîdar û daxuyaniya Cinêvê, tevî ku daxuyaniya Cinêv bi awayekî xuya tekezî kirinye li ser ku rêkeftina çareseriya siyasî dibe binyatê avakirina desteya hikumraniya veguhêz, ya bi tevaya desthilatdariyên cêbicêkar, û herwiha bi erkê lidarxistina kongirê diyaloga niştimanî, heta bi encamdana giştpirsiya li ser reşnivîsa pirojeyê destûrê û paş re encamdana helbijartinên azad û pak .
Hevbendiya Niştimanî û desteya erkanê artêşa Azad, tekez kirin ku ew li kongirê Sûtçî beşdar nabin, hevdem piştgiriya xwe bo veguhestina siyasî li Cinêvê û bidestxistina daxwazên gelê Sûriyê yên rûmet û azadî û dadperweriyê dupat kirin.
Jêder: Ofîsa Ragihandina Hevbendiya Niştimanî