Malbata penaberê filestînî Mihemed Hemam Temîm, bang li tevaya saziyên mafnasî û mirovahî û Xaça Sor a Navdewletî kir, ji bo çarenivîsa lawê xwe bizanibe, û daxwaza alîkariyê bo serbestberdana wî ji zindanên rijêma Esed ji wan saziyan kir.
Û Girûpa Kar ji bo Filestînên Sûriyê anî ziman ku diktor Mihemed Hemam Temîm yê ku di sala 1980 de ji dayik bûye, taybetmendê Sîstemên Tenduristî ye, û li navenda Qudseya ya tenduristî kar dikir, û ji neh salan de hatiye girtin.
Û Girûpê got ku doktor Mihemed kurê Temîm ji kampa Yermûkê bû, û ji aliyê endamên rêbenda devera Elcisir Elebyed li Şama paytexta Sûriyê di dîroka 4/5/2013 de hat girtin, û ber bi cihekî ne diyar de birin, û ti agahî li ser cih û rewşa girtina wî tune ne.
Û Girûpa Kar bal kişand ser ku amûrên rijêma Esed di girtina komek ji kadroyên bizîşkî yên filestînî de berdewam in, û ti agahiyan derbarê çarenivîsa wan nadin, û amaje bi wê yekê kir ku hejmarek ji kadroyan bi bihaneya pêşkêşkirina xizmetkariyên pizîşkî û mirovahî bo xelkê kampê û dermankirina birîndarên ji deverên rizgarkirî hatibûn girtin, û hejmarekê ji wan di bin îşkencê de canê xwe ji dest dan, û Giropa kar tekez kir ku wê hejmarek ji nojdarên girtî yên ku çarenivîsa wan nediyar e belge kirine.
Jêder: Ofîsa Ragihandinê ya Hevbendiya Niştimanî ya Sûrî