Endamên Hevbendiya Niştimanî ya hêzên şoreş û rikberiya Sûriyê û endamên şanda danustandkar beşdarî di mangirtinekê de ji bo piştgiriya mafên gelê Sûriyê ku ji aliyê rêxistina “jinên Sûriyê ji bo demokrasiyê” hatibû lidar xistin kirin.
Û ev mangirtin duhî li pêşiya baregehê NY li bajarê Cinêvê hatibû lidar xistin, li ser perawîza danustandinên dibin bi hewla pêkanîna veguhestina siyasî li Sûriyê ligor biryarên navdewletî nemaze herdu biryarên 2118 û 2254.
Di mangirtinê de wêne hatibûn hildan û têde piransîp û rewiştên ku şoreşa Sûriyê li ser hatî avakirin diyar dibûn, û hin wêneyên din hatibûn hildan û têde tawanên rijêma Bişar û milîsên terorîst yên Îranê hatibûn xuyakirin.
Kesên beşdar bûn di wê mangirtinê de ji civaka navdewletî daxwaz kirin ku bi erkê xwe yê ji bo parastina sivîlan û bidawîkirina bombebarankirina rêbazkirî li dijî taxên nişteciyan û navendên saxlemiyê û xizmetguzariyê rabe.
Herwiha ku duhî yekemîn gera danustandinên Cinêv 4 bidawî hat, ya ku têde bêhtir bal hatibû kişandin li ser gengeşekirina piroseya veguhestina siyasî bi rêka dirustkirina desteyeka hikumraniya veguhêz ya ku xudan hemî desthilatên cîbecîkirinê be.
Jêder: Ofîsa Ragihandina Hevbendiya Niştimanî
