Endamê Desteya Siyasî ya Hevbendiya Niştimanî ya Sûrî, Mihemed Yehya Mektebî, di riya diyaloga piştgiriyê bo Deraa, li gel beşdarin dîtir ji dewletên Erebî, tekez kir ku çeteyên Esed û yên li paş wî ne, tenê baweriya xwe bi rêbaza leşkerî tînin, di riya bikaranîna bermîlên teqîner, çekên kîmawî, birçîkirin û dorpêçkirinê re, her weha awayên ku rijêma tawanbar berê dermafê xelkê me li Heleb, Elgota Elşerqiye, Humsa Kevin, gundewarên bakurê Humsê û bajar û bajarokên dîtir pêk anîne.
Û Mektebî got ku li bal serokê çeteyên desthilata Beşar Esed pirsgirêk tune ye ku hikumdariyê li kavil û goristan û xirbeyên bê avahî bike, an hikumdariyê li qoqên seriyan û perçeyên laş û xwînê bike, ji ber ku ya gring li bal wan ew e ku bi kotekî li ser sînga sûriyan danîşin.
Û Mektebî bal kişand ser ku serokê çeteyan Beşar Esed niha milmilaneyê bi mezintirîn çeteyên cîhanê re di warê bazirganiya kerseteyên hişbir dike, û bal kişand ser ku roj li pey rojê barên keresteyên qedexe yên ku çeteyên rijêmê ji dewletên derdor û yên cîhanê re dişîne diyar dibin.
Û Mektebî got ku serokê çeteyan, Beşar Esed, mîna nûnerekî Xamineî yê Îranî li Şama paytext e, weko çawa ku Hesen Nesrillah nûnerê Xamineî li Libnanê ye, û ew di cîbicîkirina pirojeya Îranê ya sînoran derbas dike de beşdar e, yaku li ser gotara mezhebiya kîndar û fitne û dijîtî û kuştinê li dewletên deverê û aramiya wan dewletan dihejêne hatiye avakirin.
Û Mektebî dît ku metirsiya rasteqîn ya çeteyên Esed li ser dewletên deverê û cîhanê heye, û çi raman derbarê nûavakirina rijêmê ji binî de şaş e, ji ber ku ger rijêm cihê xwe bigre dê yekser dest bi tolhildanê dijî her kesê alîkariya şoreşa Sûriyê kiriye bike.
Û Mektebî bêhêvîbûna xwe ji civaka navdewletî û durişmên parastina mafên mirovan û jin û zarokan û bilindkirina siloganên azadî û demoqrasiyê anî ziman, ji ber ku ev deh sal in komelkujî li ser destê çeteyên rijêmê pêk tên û civaka navdewletî tenê temaşe dike.
Û Mektebî gotara xwe arasteyî civaka navdewletî kir û got: Eger hûn dixwazin terora Dais û Elqaîde û çêlîkên wan bidawî bînin, divê hûn terora Esed û Xamineî ji holê rakin, ji ber ku destûrdana berdewamiya terora Esed û Xamineî, derfetê dide vegera terora dijî wan wek Daiş û Elqaîde û çêlikên wan, û ew jî metirsiyê li ser ewlekarî û aştiya navdewletî çêdike.
Û Mektebî daxwaza eşkerekirina van rastiyan ji birayên ereb ên di diyalogê de beşdarî kirine, di riya gotar û komcivînên xwe re û her yek di warê pesporiya xwe de kir, û ji beşdaran xwest ku bizavên alîkariyên mirovahî bo xelkê me li Deraa bikin, ji ber ku ew niha hewcedarî alîkariyê ne.
Jêder: Ofîsa Ragihandinê ya Hevbendiya Niştimanî ya Sûrî
