Zeviyên çandiniyê yên bi ser gundê Sermaniyê ve li devera Deşta Xabê li bakurê rojavayê parêzgeha Hemayê, rastî bombebarana topxaneyan ji hêla deverên di bin kontirola rijêma Esed û Rûsiya de hatin, û bû sedema vêketina agirên mezin di nav wan zeviyan de.
Û çalakvanan bal kişandin ser ku rûberê zeviyên ku hatine şewitandin nayê hejmartin, û diyar kirin ku agirên pêketî zeviyên çandiniyê tev dan ber xwe, daku nehêlibin cotkar sûdê ji berhemên çandinê bibînin.
Û Endamê Desteya Siyasî di Hevbendiya Niştimanî ya Sûrî de Mihemed Yehya Mektebî, tekez kir ku ne dûr e ku rijêma Esed bi vê Tawana kirêt rabûbe, û got ku rijêm bizavê ji bo zêdekirina derdeseriyên gelê Sûriyê û nemaze di dema qeyrana xwerdimeniyê li cîhanî de dike.
Û Mektebî bal kişand ser ku doseyeke rijêma Esed a mişt ji tawanên dermafê gelê Sûriyê heye, û ev tawan di çarçoveya siyaseta dorpêçkirin û birçîkirinê de tê, û ev siyaset ji destpêka şoreşê de li hejmarek ji deverên rizgarkirî dubare kir, û ew tişt di hevoka” Esed yan emê welêt bişewitînin” de eşkere bû.
Û Mektebî bal kişand ser ku rijêma Esed ne tenê bi çekan şerê sûriyan dike, lêbelê şerê wan bi pariyê nanê wan û zarokên wan yê rojane dike, daku ji neçarî serî li ber vîna rijêmê biçimînin.
Jêder: Ofîsa Ragihandinê ya Hevbendiya Niştimanî ya Sûrî
