Emîndarê Giştî yê Hevbendiya Niştimanî Sûrî Yehya Mektebî tekez kir ku ta niha viyan û lihevkirinek navdewletî derbarê rawestandina rijandina xwînê li Sûriyê peyda nebûye, û hîn Civaka Navdewletî kirîza Sûrî bi rê ve dibe, û dest bi bidawîkirina wê nekiriye.
Mektebî tekez kir ku Hevbendî û şoreşa Sûrî di riya rizgariya ji zordarî, zilm, tundrewî, û tirorê de berdewam in, milletê Sûrî piştî ev nirxê giranbuha û qurbaniyên mezin dane, ji bilî vegerandina azadî û rûmeta xwe û jinavbirina Beşarê Esed û rejîma wî a tawankar qebûl nake.
Mektebî di hevdîtinekê bi malpera “Erebî 21” re, şêweyê danustendina dostên milletê Sûrî bi Hevbendiyê û saziyên wê re û hemû millletê Sûrî re derbarî pirsgirêka piştgiriyê di qonaxên bûrî de rexne kir, û got ku danustandina wan bi me re bi awayê (Ne bimir, û ne bijî), wek merovê nexweş yê her dem di odeya pir-guhdan de be, û piştgirî dilop dilop tê.
Di dema ku piştgiriyek mezin û bêsînor û berdewam ji hêla Iran û Rûsya ve ji rejîma tawankariyê li Şamê re û li ser hemû astan tê dan, siyasî û leşkerî û aborî, ev alîkarî dihêlin ew wek keyanekî hevgirtî û mîna dewletekê xwe dide xuyakirin, lê ew bi xwe milişiyek ji milişiyên ku li Sûrî ne, û tawankarê cengê Beşarê Esed serdarê wan milişiyan e.
Mektebî berdewam kir: ” Em ji dost û hevalan hêvî dikin ku piştgiriya gerek bo Hevbendiyê û saziyên wê pêşkêş bikin, da karibin xizmeta milletê me yê karesat bi serê wî de hatiye bike, û her tiştê hewce jê re pêşkêş bike, bi taybet di her du kartên perwerde û tenduristiyê de”.
Ji hêleke dî ve, Emîndarê Giştî yê Hevbendiyê, Yekîneyên Parastina Gel bi aliyekî radîkal û tundrew binav kir, ku pirojeyek wan yê taybet heye, zordariyê li ser Ereb, Kurd, û Aşûriyan pêk tînin, ji pêkahateyên navborî pêk tê, û têkiliyên wan bi rejîma tawankar ya li şamê re hene. Beramberî wilo jî tekez kir ku Encumena Niştimanî Kurdî heye, di Hevbendiyê û pirojeya niştimanî de hevparên me ne, û em bi wan re hevbeşin di piştgiriya şoreşa milletê Sûrî, neqebûlkiirina hemû cureyên tundî û tirorê, û avakirina Sûriyeke hevgirtî, karê bi hev re bo damezirandina dewleteke dimuqratî û pirnetew ku hevwelatî di erk û mafan de tê de weke hev bin, û tê de rêzgirtina azadiya nerînê di bin siya desthilatiya yasayê de were girtin.
Mektebî tekez kir ku hewldanên cihêbûnê û dabeşkirina Sûriyê wê têk biçin, lê eger Yekîneyên Parastina Gel nerînên xwe guhertin, û dest ji rejîma Esed berdan û xwe nêzîkî nerînên milletê Sûrî û yekîtiya erda wî kirin, wê ev yek li rex me cihê rêzgirtinê be.
Jêder: Hevbendî