Ebdulhekîm Beşar cîgirê Serokê Hevbendiya Niştimanî dibîne ko sedema serkeftina Esed di çêkirina tiroristiyê de ew e ku “sûde ji piştgiriya bêsînor ji hin hêzên Herêmî û Navdewletî wergirt, û meşandina hîlê li ser ewên ku gerek hevalên Sûriyan bin, ew ên ko xuyaye sedema bingehîn ji êşa Milet re jibîr kirine ku ew Rêjîma Esed bi xwe ye, û dest bi çareserkirina encaman kirin yên ku rijêm çêkerê wan e, da cîhanê bi wan ve mijûl bike.
Wek nimûne têkbirina Daişê wek rêkxistineke tirorist erkê Civaka Navdewletî ye, lê Daiş diyardeya nexweşiyekê ye û qet nabe mirov çareseriya diyardeyan bike û nexweşiyê bihêle û ew nexweşî Rêjîma Esed e, tengkirina lêdana Civaka Navdewletî ku tenê li Daişê be, hîç encamên tên xwestin nadin eger rijêma Esed di desthilatê de berdewam be. ”
Herweha Cîgirê serok mercê têkbirina tiroristiya “çêkirî” ya ko êrîşî Herêmê kiriye weha da zanîn “bi êrîşên li ser Daişê re, gerek e çareseriyeke siyasî jî ji qeyrana mirovî re ya encama kuştarên Esed li Sûriyê hebe. Û ew jî tu caran nabe eger desthilat bi aştiyane neyê guhastin, û bidawîkirina desthilatiya malbata Esed û damezirandina desteyeke desthilata veguhêz û xwedan hemû hêz û biryarên cîbicîkirinê be , û dosya Sûriyê bi Dadgeha tawankariyên Navdewletî bête spartin da Tawankar hemû bêne siza kirin”.
Jêder: Hevbendî
