Tora Sûrî ya Mafên Mirovan got ku çekdarên PYDe 10 sivîl girtin, di nav wan de zarokek hebû, dema ku ew di rêbendeke pişkinînê re li parêzgeha Reqayê re derbas dibûn, bi armanca leşkerkirina wan bi zorê daku wan bixin nav refên xwe de.
Û Tora mafnasî diyar kir ku van milîsan ti kes ji xizmên girtiyan derbarê girtina wan agahdar nekirin, û destên xwe danîne ser têlefonên wan û nehiştin ku ew peywendiyê bi malbatên xwe re bikin.
Û tekez kir ku armanca van kiryaran belavkirina tirsê di nav civakê de ye, û ji bo ku malbatan têxin bin fişaran, û saziyê tirsa xwe ya rasteqîn ji çarenivîsa girtiyan anî ziman, nemaze di dema belavbûna vîrusa Koronayê de.
Tê zanîn ku li deverên di bin kontirola milîsên PYDe yên terorîst de, xwepêşandan bi awayekî berdewam derdikevin, dijî operasiyonên leşkerkirina bi darê zorê yên ku ji aliyê wan milîsan ve têne sepandin, her weha dijî kiryarên wan yên terorîstî dermafê sivîlan, û ew red dikin ku kurên wan tevlî wan bibin, an di nav refên wan de şer bikin.
Û Hevbendiya Niştimanî ya Sûrî cext kir ku ji civaka navdewletî tê xwestin ku yekser piştgiriya milîsên PYDe yên terorîst rawestîne, û tevaya kesên berpisyar di ber pêkanîna binpêkirinên berdewam dermafê sivîlan û nemaze ciwan û zarokan de siza bibin.
Û tekez kir ku milîsên terorîst yên PYDe li ser rêbaza rêjîma Esed di girtin û îşkencê de berdewam in, û helmetên girtin û revandin û îşkencê yên ku ev milîsan dermafê sivîlan bi awayekî giştî û dermafê derbideran bi awayekî taybet radibin di bîra civaka navdewletî anî, her weha armanckirina deverên sivîlan li bakurê Sûriyê bi awayekî berdewam, û bi ser de erebe û mîtorên mayînkirî berve tax û bazar û deverên ku tijî sivîl dişînin.
Jêder: Ofîsa Ragihandinê ya Hevbendiya Niştimanî ya Sûrî
