Emîndariya Giştî ya Encûmena Niştimanî ya Kurd, biryara nehiştina lidarxistina kongirê wê yê çaremîn ji aliyê milîsên PYDe ve, ku biryar hebû ku duh duşemê 14ê mijdarê 2022 li hola “Zana” were lidarxistin, şermezar kir, û nerazîbûna xwe ji kiryarên hovane yên çekdaran dermafê civîngeran anî ziman.
Û Encûmena Niştimanî di daxwiyaniya xwe de tekez kir ku kiryarên milîsên PYDe “nikarin berdewamiya têkoşîna Encûmen ya ku bi hemû rêyên aştiyane û demokratîk ji bo bidestxistina armancên ku gelê kurd jêre kar dike, û bidestxistina mafên xwe yên niştimanî û avakirina demoqratiyê rawestîne, daku Sûriyake demoqrat û piralî û ji hemû Sûriyan re ava bibe.”
Û Encûmen di daxwiyaniya xwe de amaje bi wê yekê kir ku ev binpêkirina eşkere dermafê Encûmen careka dî piştrast dike ku ev partî çendî bi hişmendiya hêz û desthilatiyê vîna xwe ferz dike û derewbûna daxwazên xwe yên demokratîk diyar dike, û di astengkirina azadiyan û çalakiyên siyasî de berdewam dike.”
Û Encûmena Niştimanî ya Kurd di daxwiyaniya xwe de bang li aliyê Emerîkî kir ku dawî li kiryarên çekdarên PYDe bîne, û amaje bi wê yekê kir ku aliyê Emerîkî berî bi demekê ji Encûmen re piştrast kiribû ku ew dikare kongira xwe bi aramî bêyî destwerdana eşkere ya çekdarên PYDe li dar bixe.
Hêjayî gotinê ye ku duh girûpek ji milîsên PYDe yên terorîst êrîşî hola “Zana” li bajarê Qamişlo ku Encûmena Niştimanî têde kongireya xwe li dar dixit, kirin, û kesên amade di holê de bi zor û gefan neçar kirin ku ji holê derkevin, wê yekê jî hişit ku Encûmena Niştimanî ya Kurd civîna xwe veguhêze baregeha “Partiya Demoqrat ya Kurdistanî – Sûriyê”, lê careka dî çekdarên PYDe girtin ser civînê û ew neçar kirin ku civîna xwe bidawî bînin.
Jêder: Ofîsa Ragihandinê ya Hevbendiya Niştimanî ya Sûrî
