Bi amadebûna Serokê Hevbendiya Niştimanî ya hêzên şoreş û rikberiya Sûriyê, Abdul Rehman Mistafa, encumena xwecihî ya Efrînê ahengek lidar xist bi boneya salvegera yekem ya destpêkirina oparesyona “Şaxê Zeytûnê” ya têde navçe ji dest çekdarên PYD hat derxistin bi beşdariya artêşa azad û artêşa Tirkiyê.
Serokê Hevbendiya Niştimanî, piştî dawiya ahengê, ligel nûnerên xelkê û encumenên xwecihî civiya, herweha ligel fermandarên hersê tabûrên artêşa niştimaniya sûrî, û Mistefa dupat kir ku operasyona leşkerî gaveke pêwîst bû ji bo vegerandina aramiyê li Efrîn û tevahiya deşta bakurê Helebê û vegera kesên koçber û derbeder, û tekez kir ku armanc jê yekîtiya Sûriyeyê û nehêlana rêxistinên terorîst bû.
Mistefa got: “Em li Efrînê ne, ya ji bo xwediyên xwe hatiye vegerandin, em rasterast ligel xelkê wê û serokên encumenên xwecihî û Fermandarên tabûran dicivin, em hest bi awayekî rasterast bi encamên vê oparesyonê û destkeftiyên wê dikin”.
Û got ku hewldanên artêşa Tirkiyê û piştgiriya wê ji bo artêşa azad ya sûrî di oparesyona “Şaxê Zeytûnê” de, pir giring bû ji bo vegera sivîlan û misogerkirina ewlehiya wan û ramalîna bermayên operasyonên leşkerî û ferzkirina ewlehiyê, û got: Tişta çêbû “ji bo vegera koçber û derbideran û amadekirina wan ji bo birêvebirina karûbarên xwe bi xwe bi rêya encumenên xwecihî yên wan helbijartî”.
Û bal kişand ku kontrolkirina Efrîn hêz da encumenên xwecihî bi piştgiriya Tirkiyê, ji bo pêşkêşkirina xizmetguzariyan di hemû waran de, bi taybetî di warê perwerde û tendurustiyê de, û piştgiriya aramiya xelkê, û cext li ser pêwîstiya hevkarî û hevahengiyê di navbera saziyên şoreşê de kir û got: “dest bi dest emê Sûriyê careke din ava bikin, welatekî azad û yekbûyî bê teror û zordarî”.
Jêder: Ofîsa Ragihandina Hevbendiya Niştimanî ya Sûrî
