Çekdarên Partiya Yekîtiya Dîmuqrat PYDê li hindir kampên xwe li bakurê Helebê zarokek temen biçûk revand.
Çalakvan Elî Zeyno ji malpera me re ragihand ku çekdarên PYDê duh şemiyê keça (16) salî ya bi navê Rojîn Ehmed Ebdil Qadir ku li kampa Fafîn li bakurî bajarê Helebê niştecîbû revand û ew bir kampên xwe yên leşkerî.
Her wiha Zeyno diyar kir ku piştî diya Rojînê ya bi navê Hemîda çû Helebê ji bo rewşa xwe ya tendurustî, keça wê ji aliyê çekdarên PYDê ve hat revandin.
Tê zanîn ku malbata Rojîn ji gundê Eşwana ye, yê bi ser bajarokê Bilbilê ve, û niha li kampa Fafîn li bakurî bajarê Helebê dijîn.
Jêder: Beşê Kurdî ji Nivîsgeha Ragihandinê ya Hevbendiyê
