Serokê Hikûmeta Sûrî ya Demkî, Ebdulrihman Mistifa, diyar kir ku tevaya Wezaretên Hikûmetê bi hev re hevrêzkar in, û ji bo cîbicîkirina hemû temîniyên Wezareta Tendurustî dixebitin, ji bo pabendî bi tevdîr û karûbarên xweparastinê bête kirin, daku nehêlin Vîrosê Korona li deverên rizgarkirî belav bibe.
Û bal kişand ser ku ji ber belavbûna Vîros li cîhanê û dewletên deverê, Hikûmeta demkî tîmek ji bo rêvebirina kirîzê ava kir, û stratîcîyek eşkere bo vê doseyê bi rengekî bilez û di demeke kurt de pêkanî, di riya hevkariya di navbera hemû beşên bijîşkî, siyasî, ewlehî û leşkerî de.
Û got ku tevî lawazbûna şiyanên Hikûmetê, nemaze di warê avahiyên bingehî de, yên hatine armanckirin ji hêla jêjîma Esed û Rûsiya ve, lê dîsa jî navendên bijîşkî û yên cudakirina civakî amade kirin, û Hikûmetê biryar ji bo cîbicîkirina karûbarên xweparastinê bo nehêlana belavbûna Vîrosê Korona derxistin.
Û eşkere kir ku di nav tedbîran de, girtina derîyên bi deveriyên rêjîmê re, ji ber ku ew dever tijî kesên bi vîros in û rêjîm vedişêre, herweha kêmkirina kombûnên giştî di riya girtina dibistan, zanîngeh û guhartina sîstema fêrkirinê, û niha sîstema hîndariya ji dûr ve tê bikaranîn, û girtina seyrangehên giştî, û derxistina lêborîna giştî ji tewanên berî 1/4/2020an hatine kirin, û li gor ku di biryarê de hatiye ev in: Lêbûrîna tevaya cezayên kesên binpêkirina yasayê kirine, û nîvê cezayên kesên tewan kirine, û lêbûrîna tevahya cezayê kesên ku gihîştine heftê salî, û tevaya cezayê kesên bi nexweşîyên bêçare ne, lê hin tewanên metirsîdar li ser civakê ne di nav biryara lêborînê de ne, û ev lêbûrîn dê li gor parastina mafên kesayetî be.
Û Serokê Hikûmeta Demkî got ku ev kar ne tenê di warê hundir de bûne, lê pêwendî di vî warî de bi dewletên dost û bira û saziyên navdewletî re çêbûn, tevî hevrêzkarîya bi saziyên civaka xwecihî re jî, û got ku lîsteyên hikûmetê amade kirine ji hamû aliyan re rêkirine, di nav de piştgiriya mirovahî ji malbatên Sûrî re yên ziyan di warê mûçeyan de dîne, ji bandora vî derdî li ser karên rojane li deverên rizgarkirî.
Û serokê Hikûmetê tekez kir ku ew kar û bar jibo parastina tendurustî û ewlehiya giştî ye, û nehêlana gihandina Vîros bo deverên rizgarkirî, û daxwaz ji tevaya welatiyan kir ku pabendiyê bi wan temînî û rênimayan bikin, daku ev kêşeya ku li cîhanê tevî belav bûye derbas be.
Jêder: Ofîsa Ragihandinê ya Hevbendiya Niştimanî ya Sûrî
