Endamê Hevbendiya Niştimanî Sûrî û Serokê Encumena Niştimanî ê berê Ebdilbasit Seyda helmetên êrîşên dijî misilmaniyê û Ereban ji hêla ên ku “ Dibêjin em berevaniyê di ber mafê Kurdî de dikin” şermezar kir.
Seyda got:” Ev yeke ji tiştên ku em qebûl nakin, û şermezar dikin, ji ber ew ziyanê digihîne Kurdan berî Ereban, û herweha ziyanê digihîne baweriyên mirovan, ji wan Kurd jî”.
Seyda hişiyarî da ku” Rewşa têkiliyên Erebî – Kurdî ji nakokî û sarbûnê, û helmeta tometên nerast di navbera herdwan de, li gor rewşên meydanî metirsiyeke mezin tev dide, û tirsên pir ji encamên sorkirina helwestan dide”.
Seyda ev helmet bi êrîşa “Daiş a tirorîst li ser Kobanî û devera wê ku 200 hezar kes di hefteyekê de mişext kirin girê da, vê yekê jî birîn kûr kir, û bêhêvîbûn xurt kir”.
Seyda daxwaz kir ku şermezarkirina van tawanên Daişê ji hêla xwediyê şoreşê û zilamê wê ve diyar û zelal be ” Ta rastiya wê derbarê banga rêzgirtina mafan bê cudahî, û daxwaza pirojeya niştimanî dimuqratî tekez bike”.
Seyda dît ku “ şerê PYD li Til Hemîs, Til Birak, û Til Ebyedê beşdarî di gurkirina rewşa Erebî –Kurdî de kir, ku netewperest û tundrwên herdu aliyan bo derbaskirina helmetên ku tenê xizmeta rejîma Essed dikin bikar anîn”.
Seyda weha jî dît “ Siyaseta du alî ku PYD bikar tîne ne cihê rehetiyê ye, lê belê ziyanê dike, û rewşa têkiliyan di navbera Ereb- Kurd de jehrdar dike, ne tenê li Sûriyayê, lê belê seranserî deverê tevî”.
Seyda wisa pê de çû:” Ev siyaset li ser axaftina bi Kurdan bi zimanekî, û ya Ereban bi zimanekî cuda ava dibe, di ware Kurdî de ev partî dibêje em berevaniyê di ber Kurdan û mafê wan de dikin, û di têkiliyên xwe bi Hevrikiyê re û bi taybet bi Hevbendiyê re diyar dike ku ew doza pirojeya netewî ku dem di ser çûye nake”.
Seyda diyar kir ku PYD partî û hêzên Kurdî ên derveyî çarçoveya xwe dibîne “parçekirinxwaz”û xwe mîna kesên bo yekîtiya Sûrî kar dike pêşkêş dike, û ev yek di gelek kongiran de vê dawiyê eşkere kir. Di heman demê de her kes dizane, û kurd berî her kesî, ku vê partiyê Kurdên Sûryayê kirine girawên hesab û hevpeymaniyên xwe yên navdewletî.
Seyda got karesatên ku li Kobanî çêdibin, mişextî û koçberiya bikomel li Cezîrê ku di nav Kurd û Xiristyanên Siryan dibe, ji ber karvedanên tirora Daiş û siyasetên vê partiyê ne.
Seyda anî zaiman û tekez kir:” Çareserkirina helwesta gelekî asê bûyî, wêrekî, zanebûn, û dûrbînî ji hêla hemû aliyan jê re dive, ji ber pêşketinên lezgîn – eger derman nebin – nîşana karesetên tekûz dide. Gava herî ceddî di vî warî de, karê lezgîn bo rawestandina kuştaran li Kobanî ye, û deranîna rêxistina tirorîst ji deverê ”.
Jêder: Hevbendî