Serokê Desteya Bilind Ya Danûstandinan, Riyad Hicab, îro nameyek ji emîndarê giştî yê Neteweyên Yekbûyî Ban Ki Moon re şand, ji bo hişyarkirina wî der barê operasyonên koçberkirin û guhertina demografîk ya ku Rêjîma Esed pê radibe, û bikaranîna NY wek sîwanekê ji wan Operasyonan re.
Û Hicab daxwaza ” cîbicîkirina tekûz ji biryarên NY re kir, û neçarkirina Rêjîmê û hevalbendên wê ku serê xwe ji viyana navdewletî re deynin”, û amaje kir ku” derdeseriyên gelê Sûriyê roj bi roj zêdetir dinin, û îro bûye mezintirîn bobelat di cîhanê de, û cîhan bê ku tiştekî ji bo rawestandina wê bike lê meyze dike, û bê guman ev şermeke mezin e ji civaka navdewletî re”.
Û Hicab bal kişand ser ku Heleb ” xelekek tenê ye ji xelekên bobelata sûriyê”, û diyar kir ku bûyerên wê ber bi ” metirsiyek mezin de diçin, ji ber ku guhertina demografî û koçberkirina koteî pêk tê”, û tirsa xwe diyar kir ji ” noqbûna NY di encamên wê yên yasayî û exlaqî de”, û hişyarî da ku” heman tiştan li We’ir li Himsê û Dareya û Medaya li gundewarê Şamê û tevaya deverên Sûriyê tê kirin”.
Û Hicab bal kişand ser biryarên NY der barê rewşa Sûryê , ” yên ku nayên bicîkirin, lê tenê ji bo xizmeta ecindeyên aliyin cihê gumanê ne bi wan tê lîstin, ku îro li ser erdê encamên wê diyar dibin”, û cihê mixabiniyê ye ku ” NY ji bo cîbecîkirina van pîlanan tê bikaranîn, di riya agirbestên xwecihî re yên nakokin bi biryara Encumana Ewlekariyê re ya 2268/2016 û berî wê biryara 2254/2015, û her weha nakok e bi soznameya NY û armanc û hêviyên wê re”, li gor ku di nameyê de hatiye.
Û hicab di nameya xwe de ev pirs ji Ki Moon kir: ” gelo di baweriya we de tiştê ku dibe wê terorîstî û tundrewiyê ji holê rake, û wê rijîna xwîna sûriyan û kuştina jin û zarokan raweste?”, û weha jî got: ” gelo wê cîhanê hêmintir bike, û wê yekîtî û saxlemiya xaka Sûriyê biparêze?”, û got:” emê ji we re bi rastî bêjîn: yekcar na?”.
Û her weha Hicab di nameya xwe de hişyarî da ku” koçberkirina sivîlan û rakirina wan ji xaka wan, û neçarkirina wan li ser destberdana ji malên xwe, wê geşbûna terorîstî û tundrewiyê zêdetir bike”, û di heman demê de tekez kir li ser piştgiriya Desteya Bilin ya Danûstandinan ji ” cîbicîkirina tekûz ji biryarên NY yên der barê Sûriya re, û yên ku di bingeha naveroka xwe de li ser daxuyaniya Cinêv 2012 ava bûne, û her weha bi cîbecîkirina bendên têkildar bi rewşên mirovî ve wek erkên yasayî yên divên bên cîbecîkirin, û bihêzkirina rawestandina karên dijminkarî bi temamî, ta ku tevaya Sûriyê li xwe bigire, û ne bi şêweyê bijartina deveran wek ku niha dibe”.
Jêder: Hevbendî