Îro roja sêşemê, nameyek ji Borîs Conson, wezîrê karubarê derve yê Birêtaniya gihişt Enes Ele’bide, serokê Hevbendiya Niştimanî Ya Hêzên Şoreş Û Rikberiya Sûriyê, û têde wezîrê navhatî pêgiriya welatê xwe bi piştgiriya piroseya veguhestina siyasî li Sûriyê tekez kir.
Conson; cext li ser wê yekê kir ku tenha veguhestina siyasî ya ligor biryara 2254 ya navdewletî û daxuyaniya Jinêv, takerê ye bo bidawîkirina tirajîdiya gelê Sûriyê.
Ku ev nameya hat wek bersivdanekê li ser nameyek pêştir ya serokê Hevbendiyê bo heryek wezîrên derve yên girûpa piştgiriya navdewletî ya taybet û herwiha bo hikûmeta Birêtaniya, ku têde daxwaza standina pêgavên vebir û bilez kiribû, ji bo neçarkirina rêjîma Esed bo pabend bibe bi mercên rawestandina karên dijminkariyê, û rakirina dorpêça li ser sercem navçeyên sivîlan, û rêdan bo gihandina alîkariyên mirovî bi awayekî bilez bo tevaya navçeyên welat û bê çêkirina astengiyan.
Conson, di nameya xwe de gotiye ku : “ya pêdiviye ku agirbestek rasteqîn ya karên dijminkarî li Sûriyê peyda bibe, û kirîdorên bi berdewamî vekirî hebin, ji bona gihandina alîkariyên mirovî bo her kesê pêwîstdar bi rengek misoger “.
Conson û derbarê rewşa xirab ya herdu bajarên Heleb û Dareya, tekez kir ku her ew derfetekê di Encûmena Ewlekariyê ya di her komcivînek din de dibînin, ew yekser nîgeraniya xwe ya bidax li hember êrîşên rêjîma Esed tênin ziman, ew êrîş bi “êrîşên nayên qebûlkirin li ser van navçeyan pesind kir”, û herwiha daxwaza welatê xwe li ser bidawîkirina êrîşên li dijî sivîlan tekez kir.
Hêjayê gotinê ye ku Birêtaniya ji aliyê xwe ve fişar bikar anîn ji bona lidarxistina civînek giştî ya Encûmena Ewlekariyê di 25’ê tîrmehê de, ji bona çareserkirina rewşa Helebê, û têde daxwaza gihandina alîkariyan kir bo hemû navçeyên dorpêçkirî bi awayekî berdewam û bê kosp û astengî.
Conson soza çareserkirina rewşa bobelatî ya Helebê da, û got ev yek sebaret heryek ji welatê wî û civaka navdewletî pêwîstiyek sereke ye.
Têzanîn ku desteya siyasî ya Hevbendiya Niştimanî çend hevdîtinên şêwirdariyê ligel encûmena xwecihî ya parêzgeha Helebê û rêxistinên pêwendîdar re girêdabûn bi armanca şopandina guhertin û pêşhatên dawîyê, nemaze yên girêdayî bi bikaranîna çekên qedexekirî û bombebarankirina nexweşxaneyan, û herwiha ji bona hemahengiyê û hevrêzkariyê ji bona têkşikandina dorpêçkirina li ser Helebê û parastina sivîlan.
Conson di 19’ê tîrmehê de, û di yekemîn daxuyaniya xwe de ya derbarê Sûriyê, tekezî li ser giringiya destkêşana Esed ji desthilatê kiribû, û gotibû: “ezê nerîna xwe eşkera bêjim, tirajêdiya xelkê Sûriyê bi dawî nabe, heta Esed li ser desthilatê ye, û pêwîst e civaka navdewletî û tevî Rûsiya li ser vê yekê hevgirtî bin”.
Jêder: Hevbendî