Çalakvanan ji Bajarê Daret Eze li Gundewarê Helebê gotin ku Rûsya bi Mûşekên Palastî doh bajar armanc kirin, di encamê de şeş sivîl ji nav wan du zarok şehîd ketin û bi dehan birîndar bûne.
Çalakvanan vîdyoyek belav kirin tê de operasiyona bombebaranê ya ko wêraniyeke mezin di xaniyên Sivîlan de çêkiriye. û“Toreya Şam” got ku jêderê Mûşekan Barîceyeke Rûsî ji Perava Sûriyê davêje.
Di heman çaxî de Hilîkopterên Rêjîmê bajarê Dareya li Gundewarê Şamê bi bêtirî 30 Bermîlên Teqîner bombebaran kirin, di encamê de ziyanin keresteyî yên mezin çêbûn. Her wiha Hêzên Esed Taxên Niştecihan û Aniyên Bajêr bi Mûşekên “Erd-Erd” û bi narinokên Top û Hawinan bombebaran kirin, di encamê de şehîdek ket û çend kes birîndar bûn.
Her wiha Rêkxistina “Bijîşken Bêsînor” tekez kir ko 13 kes ji nav wan jî pênc zarok ji encama êrîşên asmanî li ser nexweşxana taybet bi zarokan ya ko Rêkxistin piştgiriya wê dike li bajarê Idlib hatin kuştin.
Rêkxistinê doh got ku 2 derb li nexweşxaneyê ketine ji çar êrîşan yekser li ser wê, û ew ji kar xist. Êrîşên Şemiya derbasbûyî 4 karmendên nexweşxanê û 5 Zarok û 2 Jin kuştin. Her wiha odeya operasiyonên pizîşkî û Yekîneya Guhdana Hûrbînî û beşê bijîşkiya Zarokan û turumbêleke hawarhatina lezgîn û motorekî kehrebê wêran kirin.
Jêder: Hevbendî+Acans
