Berdevkê bi navê “Desteya Bala ya danûstandinan” Riyad Ne’isan Axa, salixa gotinên cîgirê wezîrê derve yê Rûsya da ko ew “xwendina li derveyî refê xwe ye”, û tekez kir ko biryara Encûmena Ewlekariyê 2254 jikar ketiye, û Rêjîmê berî Rûsya ew red kiriye.
Û cîgirê wezîrê derve yê Rûsya Gînadî Gatîlof, roja duşembê gotibû ku gerek sûrbûn li ser çaxê destpêkirina “Veguhastina siyasî” û “amadekirina destûrê” tune be.
Tê zanîn ko ev dem ji hêla Netewên Yekbûyî ve bi biryara 2254 ya sala 2015an hate danîn.
Ne’san Axa got ko Şandyarê Netewên Yekbûyî ji bo Sûriyê Stîvan Dî Mistora “çi pêzanînên nû ligel nîn in ko ew têkevin danûstandinan, û Desteyê doza paşxistina danûstandina kir heta ko Rêjîm bombebarana sivîlan birawestîne”.
Ne’san Axa destnîşan kir ko Beşar Elesed dibîne ku Desteya Veguhêz nakok e bi Serweriyê ye. Û wî naveroka biryara Encûmena Ewlekariyê 2245 red kir, ji ber biryar dozê dike ku demek hebe berî danûstandinan ji bo çêbûna baweriyê, têde alîkarî derbasî bajarên dorpêçkirî bibin, dorpêç bête rakirin û Girtî bêne berdan paş re destpêkirina danûstandinan bête ragihandin.
Berdewam kir: “Îro Civaka Navdewletî ji bo derbaskirina alîkariyan ji bajarên dorpêçkirî re bêçare ye, ji bil çend bajaran wek Dûma, û Dareya li Gundewarê Şamê ew jî vê dawiyê alîkarî derbasî wan bûne, û hejmara bajarên dorpêçkirç ji 18 giha 42 bajaran anko zêde bûne”.
Jêder: Simart