Cîgirê Serokê Hevbendiya Niştimanî Sûrî Hişam Merwa di rûniştineke Encumena Mafê Mirovan de bi navnîşana ” Sûrya piştî zordariyê ” tekez kir ku berdewamiya nekarîna Encumena Ewlehiyê di veguheztina pirsgirêka Sûrî bo dadgeha tawanan, roniya kesk dide rejîma Esed ta di xwîna milletê Sûrî de avjeniyê bike, ew milletê ku ev kiryar wî ji berdewamiya şoreşê qut nake, û ji daxwaza xwe ya cezakirina tawankar de nayne xwar.
Merwa di rûniştina îroj li Cinêvê got:” Ribek melyon şehîd malbat û zarokên xwe li pey xwe hiştinin, ribek melyon girtî û windayî di girtîgehên rejîmê de ne, melyonek birîndar, û melyonên mişext û penaberin, ji bilî beşek fireh ji civaka Sûrî ku bi dehê salan ji mafên xwe mehrûm bûn, çi nasname, karmendî, yan xwestina ewlehî bo rejîmê, ev hemû li hêviya pêşrojekê ne ku mafê wan bistîne û birînên wan derman bike”.
Merwa di gotina xwe de tekeziya Hevbendiyê di nerîna xwe bo qonaxa veguhêz û nerînên serastkirina siyasî nû kir, bo desteya fermandariya veguhêz awayên pirsyarî û lêpirsîna berpirs û tawankarên tawanên cengê û tawanên dijî mirovahiyê bi armanca pêkanîna dadweriyê, û bihêzkirina veguheztina ber bi aştî û aramiyê de deyne. Herweha bo ” çêkirina awa û şêweyên cezakirin û zelaliyê” ta desthilatiya yasayê û parastina civakê li vegera nakokî û tundiyê biçesipîne.
Merwa destnîşan kir ku dehsalên zordariyê di zordariya rejîma Esed valahiyeke xistiye jiyana sivîl ta asteke ku aktîvkirina civaka sivîl û hêzên gelêrî tune kir yan nêzîkî tunebûnê kir. Dûv re guherîna şoreşa Sûrî û aştiyane ber bi çekdariyê ve çû, bi sedema tundiya rejîmê û noqbûna wê di tawankariyê de, ta ku bû sedema kêmbûna çalakiyên sivîl û aştiyane ku destpêka şoreşa Sûrî a pîroz bi wan bû.
Merwa berdewam kir:” Lê misogerkirina pîvana guncaw bo berdewamiya jiyana sivîl giringtirîn sedemên bihêzkirina aramî û aştiyê di welat de piştî rûxandina rejîma zordariyê , ev yek jî siyaset û pêrabûnin rêbazkirî û hevgirtî bo çandina baweriyê di nav millet de û şerê çanda tundiyê bikin ew çanda ji encama cengê peyda dibe “.
Merwa wisa jî got:” Hêviya me ew e ku di Sûrya piştî zordariyê de, Civaka Sivîl hevparek aktîv û sereke be di dewletê de û di çêkirina biryara siyasî, aborî, û civakî, û bi karê xwe yê çavdêriyê ku karê saziyên dewletê û sazkerên siyasetê tê de serast bike, ta ku karê wan û yê saziyên dî hev temam bikin. xwestekên vê yekê dest ji amadekirina jîngeha zagonsaz a ku rola civaka sivîl rast dike, mafên wê diparêze, azadiya wê û serxwebûna wê misoger dike destpê dik. Giring e di riya misogerkirina jîngehek guncaw rê bide ta bi rola xwe rabe derbas dibe. Ji bilî danîna awayin hevdutemamkirina di nav saziyên fermî de û rêxistinên civaka sivîl”.
Jêder: Hevbend
