Nûnerê Hevbendiya Niştimanî ya Hêzên Şoreşê û Hevrikiya Sûriyê yê li bal Yekîtiya Ewropî Miwefeq Nêrebiyê, han da Civaka Navdewletî da ku pêşindeya xwe bikin parastina Sivîlên Sûrî ji Kujerê sereke, anko ji bombebarana asmanî ya Rêjîma Esed û Rûsya.
Di bîranîna Roja Cîhanî ya Mafê Mirovan de, Nêrebiyê got; miletê Sûrî hewcedarî parastina ewan mafan e, yên ko îro Civaka Navdewletî xwe pê pabend dibîne. Û armancên rizgarkirina ji tirsê, û derbirîna ramanê, û rizgarkirin ji zordariyê hêj bingehên Şoreşa Sûrî ne.
Nêrebiyê destnîşan kir ko Sûrî di adara 2011an derketin xwepêşindanan bi heman mafan yên ko îro doz dikin. Lê belê ew daxwaz bi awayekî hovane ji aliyê Rêjîma Esed ve binpê bûn. Û miletê Sûrî ji bo misogerkirina xewna azadî, dîmuqratiyê û desthilata yasayê hatin siza kirin.
Nêrebiyê tekez kir ko ev nêzîk pênc salan e rojane mafê mirovan ji hêla Rêjîma Esed ve tên binpêkirin, bi awayekî rêbazkirî û bi berfirehî wek ewan wêneyên girtiyan yên ko “Qeyser ” belav kiribûn. Bal kişand ser ko dîktatoriya Esed ewê hişt ko tundrewên wek rêkxistina DAIŞê bibin gef li ser ewlekariya cîhanê.
Nêrebiyê diyar kir ko bi parastina Sivîlan, Ewropî dê mafê xwezayî di jiyanê de ko herkes pê şad dibe misoger bike. Û dê alîkariya miletê Sûrî bike, ji bo Sûriyake paşerojê, tê de hemû azadiyên Ragihandina Cîhanî ya Mafê Mirovan pêk werin.
Jêder: Hevbendî
