Birêveberiya Tendiristiya Helebê ya bi ser desthilata Sûrî ya demkî ve ragihand ko hemû Nexweşxane li bajarên Heleba dorpêçkirî bi sedema bombebarana asîmanî ya tund û rêbazkirî ji hêla rêjîma Esed û Firokên Rûsya di 72 demjimêrên buhûrî de rawestiyane.
Birêveberiyê di daxuyaniyekê de diyar kir ko rêjîma Esed û Rûsya çekên qedexeya navdewletî ne di derheqê sivîlan de bikar anîne, û bi mebest avahî û bargehên pêdiviya rojane amanc kirine ta ko sivîl çi jin û zarok û kalemêr bin çareserkirina bijîşkî ya pêdivî pê hebe nebînin.
Endamê desteya siyasî ya Hevbendiya Niştimanî ya Hêzên Şoreşê û Rikberiya Sûriyê Bedir Camûs operasiyona tawankarî ya ko sivîlan amanc dike şermezar kir û got ku ev tawan tên kirin “bi armanca çareserkirineke leşkerî bêyî viyana milet feriz bike” û di daxuyaniyeke taybet de got ko rêjîm û hevalbendên wê “hemû yasa û rewiştên navdewletî binpê kirin û hemû yasayên navdewletî yên bi mafê mirovan têkildarin têkdan.”
weha jî got tiştên ko Esed û Rûsya dikin”ew kuştin û veşartina operasiyona siyasî ye”, û berpirsiyarî bi tekûzî da ser civaka navdewletî bi sedema bêçareya wê bi rabûna erêkên xwe û ya herî giring nikare sivîlan biparêze.
Wezîrê tendiristiyê yê desthilata Sûrî ya demkî Dr. Mihemed Fîras Elcindî di daxuyaniyeke taybet de diyar kir ko êrîşa leşkerî ya dawî bi awayekî rêbazkirî ji hêla Firokên Rûsya û yên Rêjîmê navend û bargeh û kadirên bijîşkiyê amanc kirin, destnîşan kir ko hersê nexweşxane yên li gundewarê Helebê yê rojava ji kar rawestiyan û yek ji wan biyekcarî wêran bû.
Elcindî bal kêşand ser ko bajarê Helebê bombebaraneke tund dît, dezgehên karê bijîşkî û yên hawarhatinê têkda, di encamê de xizmetkariyên bijîşkî bi tekûzî rawestiyan û nema dikarin pêdiviyên sivîlên dorpêçkirî ko hejmara wan 300hezar e pêk bînin.
çalakvanan anîn ziman bi destpêka êrîşa leşkerî ya dawî ji hêla rêjîma Esed û Rûsya 10 nexweşxane û navendên bijîşkî ji kar rawestiyan, digel ko di heyva çêriya pêşî de 13 navend û nexweşxane hatine amanckirin.
Rêkxistina Bijîşkên Bêsînor tekez kir ko êrîşên leşkerî nexweşxana zarokan wêran kirin û nexweşxaneyek taybet bi neştegeriyê li bajarê Helebê wêran kirin û hejmara nexweşxanên ko hatine amanckirin ji destpêka sala 2016an 130 nexweşûxane ne, rêkxistinê doz li Rûsya û Esed kirin ko xwînrijandinê li Helebê rawestînin û daxwaz ji rêjîma Esed û hevalbendên wê kir ku bombebarana lidijî sivîlan rawestînin.
Jêder: Nivîsgeha Ragihandinê ya Hevbendiya Niştimanî
