Nûnerê Hevbendiya Niştimanî li Yekîtiya Oropa Muwefeq Neyrebiyê, dewletên endamên yekîtiyê han dan, da piştgiriya wê biryarê bikin ya ku yekemîn car bi vî şêweyî derdikeve û parastina sivîlan dike beşekî bingehîn di siyaseta Yekîtiya Oropî derbarê Sûriyê de.
Û tekezî kir li ser ku “dem hatiye da têde Yekîtiya Oropayê û dewletên endam gotinan bikin kar, û parastina sivîlan gava destpêkê be ji bo sepandina dijfirînê û qedexekirina bombebarankirina sivîlan di riyê gemiyên di Deryaya Sipî de”, û destnîşan kir ku ev kar wê ” giyanan biparêze, yasaya navdewletî bicî bîne, û herikîna koçberan kêm bike, û rê li pêş vegera çareseriya siyasî xweş bike”.
Neyrebiyê diyar kir ku wê Rûsiya û Esed “bombebarankirina xwe ya nerewa li ser sivîlan rawestînin ,eger rêbazkariyek navnetewî ya bihêz û giştgîr hebe û wan neçarî rawestandina kuştinê bike, û bihêle ku ew di goftûgoyên siyasî de derbarê qonaxa veguhêz beşdariyê bikin”.
Her weha xweşhaliya xwe anî ziman derbarê ku Yekîtiya Oropayê jî nerîna xwe tevlî daxwazên Hevbendiyê kiriye ku divê Rûsiya bombebarana gelê Sûriyê rawestîne.
Di heman dem de Neyrebiyê dewletên endaam han dan ku ew jî mîna Ferensayê bikin û daxwaza dadgehkirina tewankarên cengê bikin, li ser bingeha belge û nîşanên 11 hezar qurbaniyên ku di ji encama eşkencedana rijêma Esed ji wan re jiyana xwe jidest dabûn.
Jêder: Hevbendî
