Nivîsgeha Hevbendiya Niştimanî ya Sûrî li bajarê Ezazê yê gundewarê Helebê, çalakiyek derbarê girtiyên di zindanên rêjîma Esed de û awayên hovane yên işkence û kuştina wan li dar xist.
Ev çalakî di çarçoveya kampanya Hefteya Girtiyan de tê ku ji aliyê rayedarên herêmî û rêxistinên mirovî ve hatiye destpêkirin, ji bo diyarkirina rewşa girtiyan û daxwazkirina serbestberdana wan û eşkerekirina çarenivîsa kesên bi darê zorê hatine windakirin.
Di çalakiyê de hevrêzkarê Nivîsgeha Hevbendiya Niştimanî li herêmên rizgarkirî Necîb Rehmûn û hejmarek ji kesên ku berê hatibûn girtin û jinên rizgarbûyî ji zindanên Esed amade bûn.
Di çalakiyê de rawestanek li ber baregehê hate lidarxistin, û girtiyên berê û jinên ji zindanên Esed rizgar bûne hatin xelatkirin, her weha pêşangeheke wêneyan hate lidarxistin, tê de qurbaniyên îşkenceyê û rêbazên hovane yên ku di girtîgehên Esed de hatine bikaranîn nîşan dan.
Hevrêzkarê Nivîsgeha Hevbendiya Niştimanî Necîb Rehmûn, got ku dosyaya girtiyan mijareke bingehîn e di şoreşa Sûriyê de û ew ne mijara danûstandinê ye.
Jinên izgarbûyî ji girtîgehên Esed yên di çalakiyê de beşdar bibûn, tekez kirin ku pêwîst e rêxistinên mafên mirovan û yên navdewletî bi hemû hêza xwe kar bikin ji bo azadkirina girtiyan û eşkerekirina çarenivîsa windayên bi darê zorê.
Jinên rizgarbûyî amaje bi wê yekê kirin ku ezmûna girtina jinan di girtîgehên Esed de gelekî tal û dijwar e, ji ber bandora derûnî û civakî ya ku li ser jinan dihêle, û wan daxwaza dadmendiyê ji qurbaniyan re û sizadana tawankarên ku li Sûriyê tawan pêk anîne kir.
Jêder: Ofîsa Ragihandinê ya Hevbendiya Niştimanî Sûrî
