Nivîsgeha ragihandinê ya Hevbendiya Niştimanî ya Hêzên Şoreşê û Rikberiya Sûriyê, Şehîdbûna çalakvanê ragihandinê Ibrahîm Elumer, yê alîkarî bi kenala “Elcezîrê Mubaşer” re dikir, û doh duşembê bi sedema êrîşên dijminkarên Rûsî li bajarokê Tirmanîn li Gundewarê Idlib şehîd ket ragihand.
Nivîsgeha ragihandinê ya Hevbendiya Niştimanî ya Hêzên Şoreşê û Hevrikiya Sûriyê, sersaxiya malbata şehîd û dost û hevalên wî li meydanên Şoreşê û li Kenala Elcezîrê kir, û tekez kir ko Ragihêner ji destpêka Şoreşê de û heta îro , rastiya tawankariyên rêjîma Esed û hevalbendên wî li dijî miletê Sûrî diguhêzin, û gelekan ji wan canê xwe kirin qurbanî da rastiyê diyar bikin û zordaran û tawanên wan di derheqê milet de aşkere bikin. .
Hevkarê me yê rahêner Elumer ji bajarê Kefer Hemra li Gundewarê Helebê sala 1978an hatiye dunyayê, û bijin e û zarokeke wî jî heye, û çalakvan bû li bakurê Sûriyê da bûyerên meydanî ji kanala Elcezîrê Mubaşer re biguhêze.
Toreya Sûrî Ya Mafê Mirovan, kuştina 45 ragihêneran û girtin û revandina 37an û birîndarbûna 38an di nîvê pêşî yê sala 2016an belge kiriye. Û di meha cehzerana bûrî de kuştina 12 ragihêneran û girtin û revandina 4an û birîndarbûna 15an belge kiriye.
Jêder: Hevbendî
