Nûnerayetiya Hevbendiya Niştimanî ya hêzên şoreş û rikberiya Sûriyê li Kirwatiya, bangewaziyek da hikûmeta Kirwatiya û NY û rêxistinên navdewletî û dewletên dostên gelê Sûriyê, ji bo bihawarçûn û rizgarkirina bajarê Helebê, ku xelkê wê li ser destê rêjîma Esed û herdu dagîrkarên Rûsiya û Îranê rastî komelkujiyê dibin.
Cemal Es’ed; balyozê Hevbendiya Niştimanî li Kirwatiya, kiryarên tawankariyan yên Rûsiya şermezar kir, û daxwaz ji dewletên dost kir ku kar bikin ji bo rawestandina tawanên şer yên di derheqê gelê Sûriyê de dibin, û herwiha daxwaz kir ku civaka navdewletî bi erkên xwe li hember parastina sivîlan rabe.
Ku duhî salek li ser destdirêjiya Rûsiya re ya li ser Sûriyê derbas bû, û ligor dîkomîntarên çalakvanên “kombenda şoreşgerên Sûriyê”, di dema destdirêjiya Rûsiya de 4237 şehîd ketine ji encama êrîşên firokên Rûsiya ku 3948 şehîd ji wan sivîl in.
Herwiha kombendê da zanîn ku di nav şehîdan de 931 zarok û 589 jin û 19 karmendên saxlemiyê û 14 çalakvanên hawarhatinê û 7 mediyakar û 5 endamên bergiriya sivîl hene.
Jêder: Hevbendî
