Nûra Elemîr, endama desteya siyasî ya Hevbendiya Niştimanî ya hêzên şoreş û rikberiya Sûriyê, piştevaniya xwe ji şoreşa bajarê Me’eret Elnu’iman re yê li gundewarê Idlibê anî ziman, piştî derbasbûna 100 rojî timam li ser serhildana wan ya li dijî heryek jo rêjîma Esed û Bereya Elnusra.
Ku şoreşgerên Elme’era serhildana xwe bi navê “Serhildana neviyên Elme’erî” binav kiribûn, û îro Elemîr di daxuyaniyek taybet de got ku serhildana xelkê Elme’era bi jin û mêran ve, bi xwe ew dubarekirina giyanê şoreşê ye, û çespandina hêza tevgera gelêrî ye, û nameyeke ji şoreşgerên Elme’era ye ku “çi hêz nikare beramberiya vîna gelê Sûriyê yê serhildêr bike”.
Elemîr got ku ev serhildan şerek rasteqîn e li dijî tundrewiyê, û daxwaz ji hemû şoreşgeran kir ku vegerin qad û kolanan ji bona nûjenkirina tevgera gelêrî û dupatkirina ku “çi deng bi ser dengê şoreşê û şoreşgeran nakeve”.
Hêjayê gotinê ye ku çekdarên Bereya Elnusra di heyva adarê de êrîşî ser xwepêşandaneke aştiyane li Elme’era kirin, ya bi daxwaza rûxandina rêjîma Esed û selmandina daxwazên şoreşê derketibû, û artêşa Azad bersiva êrîşê da û bergirîya xwepêşanderan li hember Bereya Elnusra kir, û bereya Alnusra bersiv da û xwepêşandêr girtin û desteser kirin û êrîş birin ser baregehên artêşa Azad û firqeya 13 an ya Artêşa Azad.
Jêder: Hevbendî
