Hevbendiya Niştimanî Ya Hêzên Şoreş Û Rikberiya Sûriyê, daxwaza dadgehkirina rêjîma Esed kir ya berpirs di ber pêkanîna tawanên şer de bi rêka bikaranîna çekên kêmyayî li dijî gelê Sûriyê, piştî ku ev yek ji aliyê heryek ji Tîma Lêkolînên Taybet ya NY û Rêxistina Qedexekirina Çekên Kêmyayî bi belge hat selmandin.
Îro, Hevbendiya Niştimanî di daxuyaniyekê de daxwaza vekirina doseyên komelkujiyên rêjîma Esed yên bikaranîna çekên kêmyayî û qedexekirî li dijî sivîlên Sûriyê kir, herwiha cext li ser giringiya raguhestina tevaya van fayîlan bo dadgeha tawanên navdewletî kir, ji bona destnîşankirina aliyên biryarder û yê cêbicêkarên van êrîşan û herwiha rê bên girtin li pêş dubarekirina tawanên wisa.
Lêkolîna hevbeş ya NY û ya rêxistina qedexekirina çekên kêmyayî, gihiştin wê yekê ku rêjîma Esed berpirsyar e di ber du êrîşên bi gaza jehrdar de, û ligor ajansa Royterz ku hin kerasteyên kêmyayî yên bi gaza kilorê li 21’ê nîsana 2014 an de hatiye avêtin li ser bajarokê Tilmins û di 16’ê adara 2016 an de li bajarokê Sermîn.
Hevbendiyê bal kişand ku hin raport bikaranîna çekên kêmyayî li gelek navçeyên Sûriyê bi dirêjahiya 6 salan ji aliyê rêjîma Esed tekez dikin, di nav de gaza sarîn û ya kilorê û hin gazên jehrdar yên din, ku têde zêdetir ji 1500kesî şehîd ketine, tevî birîndarbûna bi deh-hezaran.
Hevbendiyê di daxuyaniya xwe de got: “ku sizanekirina tawankaran, dibe xaleke reş di dîroka civaka navdewletî û mirovayetiyê de, herwiha dergeh tên vekirin li pêş encamdana tawanên şer yên bi çekên qedexekirî, bê ku tawankar bêne sizadan, û ev yek dibe gef li ser ewlehî û aştiya navdewletî”.
Herwiha rapotê pêzanîn bi dest xistin, yên amaje dikin ku amraz û viyan û şiyan di destê rêxistina DAÎŞ de hebûn, ji bona bikaranîna gaza Xerdelê li Mar’h li bakurê Helebê di 21’ê tebaxa 2015 an de.
Lêkolîn bi dirêjahiya salekê berdewam kir, ku ji aliyê encûmena ewlekariyê ve derfet wergirtibû, wê bêhtir bal xistibû li ser 9 êrîşan li ser 7 navçeyên Sûriyê, herwiha ku lêkolînek din ya cuda ji bona dûvçûna rastiyan ji aliyê Rêxistina Qedexekirina Çekên Kêmyayî bal kişandibû li ser ku heye çekên kêmyayî hatibin bikaranîn.
Jêder: Hevbendî + Wekalat
