Ofîsa Jinê ya Hevbendiya Niştimanî ya Sûrî, bi serpereştiya Cîgira Serokê Hevbendiyê û Hevrêzkara Ofîsê Ruba Hebûş, komcivîneke diyalogî li ser ezmûnên jinên sûrî yên serkeftî di warê civaka sivîl û karê şoreşgerî de û astengiyê rastî wan tên lidar xist, ev çalakî jî di nav pilanên ofîsê de tên, daku nimûneyên jinên serkeftî yên di cûrbecûr warên karûbarê giştî de dixebitin ronî bikin, û ji bo ku sûdê ji pisporeiyên hev ên cûrbecûr bidînin.
Û di komcivînê de Rêvebira Ofîsê di Yekîtiya Desteyên Siyasî de û Rêvebira Koma Sehabet Weten(Ewrê Welatekî) Xanim Sureya Elhadî û Seroka Encûmena Rêvebiriya Saziya Cena Weten(berhemkomkirina welatekî) Xanim Nisrîn Elrîş beşdar bûn, her weha hejmarek ji sazî û komeleyên têkildarî pirsa jinê û hejmarek ji çalekvanan amade bûn.
Û Xanim Nisrîn Elrîş kurtepeyvek li ser ezmûna xwe û tevlêbûna wê di tevgera şoreşgerî de û çalakiyên ku pê rabûne di warê piştgiriya girtî û koçberan de li Libnan û Tirkiyê û bakurê Sriyê, û piştgiriya koçberan di warên mirovahî û fêrkirin û ewlehiya xwirdemenî de pêşkêş kir.
Û Elrîş baweriya xwe bi karê jinê di warê şoreşgerî de û pêwîstiya piştgiriya xurtkirina jinê li deverên rizgarkirî anî ziman, her weha beşdariya wê di hilbijartinên encûmenên xwecihî û navendên çêkirina biryarê de.
Û xanim Sureya li ser serborî û çalakiyên wê di nêzîkkirina civakî de di navbera koçber û nişteciyan li deverên rizgarkirî de û beşdariya wan jinên koçber di komele û civînan de axivî, û behsa damezrandina navenda Îbdai(afrandin) ya taybet bi jinê kir, û got ku navend ji hejmarek mezin ji jinên çalak pêk tê, lewra pêdvî hebû ku koma Sehabet Weten(Ewrê welatekî) li deverên rizgarkirî çê bikin, û got ku ew komcivat tevaya awayên piştgiriyê ji jinê re pêşkêş dike, û bizavê di warê xurtkirina jinê û hebûna wê di navendên çêkirina biryarê de dike.
Û amadebûyan tekez kirin ku jina sûrî hewcedarî hîn bêhtir piştgirîyê ye, daku bighê navendên çêkirina biryara siyasî û civakî, û dîtin ku komcivîna jinê a yekemîn yaku Hevbendiya Niştimanî li zanîngeha Heleba Azad berî du hefteyan lidar xistiye bingeh bû, û divê em ji wê de dest pê bikin, û kar berdewam bikin, daku bighînin sûriya dadwerî û demoqrasî û hemwelatîbûna yeksan.
Jêder: Ofîsa Ragihandinê ya Hevbendiya Niştimanî ya Sûrî
