Ofîsa Jinê ya Hevbendiya Niştimanî ya Sûrî li bajarê Ezazê yê gundewarê Helebê bi serpereştiya Cîgira Serok û Hevrêzkara Ofîsa Jinê Ruba Hebûş, çalakiyak ji dûr de di nav zincîra çîrokên serkeftinê di nav jinên sûrî de li dar xist, û têde çalakvana sûrî Meha Ukaş û Rêvebira Saziya Fîmins xanim Muna Firêc û hejmarek ji sazî û komeleyên têkildarê pirsa jinê beşdarî kirin, her weha hejmarek ji çalakvanan di çalakiya ji dûr de amade bûn.
Û Xanima Çalakvan Meha Ukaş kurtegotarek li ser xebata xwe li Gota Rojhilat ji destpêka şoreşê de nemaze di dema dorpêçkirinê de pêşkêş kir, û bal kişand ser pisporiya wergirtiye û astengiyên civakî û siyasî û lawaziya aborî û locistî, û tekezî li ser şiyanên jina sûrî di warê rayedarî û siyasî û aboriyê de kir.
Û Rêvebira Saziya Fîmins Xanim Muna Firêc li ser serbora xwe di dema şoreşê de û têkoşeriya xwe di warê xurtkirina jinê de li devera rojhilat nemaze li Reqayê û zehmetiyên ku rastî deverê tên piştî kontirolkirina deverê ji aliyê rêxistinên teroristî û desthilatên defakto ve axivî, û tekezî li ser piştgiriya jinê ji aliyê jinê ve kir, û pesna serkeftiyên ku jinê pêkanîne da.
Û Hebûş bal kişand ser pêwîstiya ku divê çîrokên jinên serkeftî di jiyana siyasî û civakî de bêne ronîkirin, û guhdarî ezmûn û astengiyên ku rastî wan hatine bikin, û sûdê ji şarezayîya wan bibînin, û li çareyên ku divê cîbicî bibin bigerin, daku çeperên ku nahêlin jin bighên navendên çêkirina biryarê derbas bikin.
Û amadebuyan behsa pêwîstiya piştgiriya jina sûrî kirin, û dîtin ku serborên serkeftî nîşanên şiyan û şarezabûna jinên sûrî ne, yên ku rûbirûyî hemû astengiyan bûne, û bal kişandin ser berdewamiya kar ta bighêjin Sûriya daddar û demoqrat û hevwelatîbûna yeksan.
Jêder: Ofîsa Ragihandinê ya Hevbendiya Niştimanî ya Sûrî