Ofîsa Ciwanan bi Hevkariya li gel Ofîsa Lêkolîn û Belgeyan ya Hevbendiya Niştimanî, semînareke gengeşeyê li baregeha Hevbendiyê li bajarê Izazê li gundewarê Helebê di bin navê “Nîşanên Demokrasî û Azadiyê li Sûriyê” di bin çavdêriya Cîgira Serokê Hevbendiyê û hevrêzkara Ofîsê Ruba Hebûş û Serokê Ofîsa Vekolîn û Belgeyan Riyad Elhesen û bi amadebûna hejmarek ji endamên desteya giştî û desteya siyasî û komelgeh û partî û tîmên xwebexş li deverên rizgarkirî li dar xist.
Û Elhesen rapora salane yaku ji aliyê Yekîneya Asayîşên Aborî di Beşê Lêkolîn û Şirovekirinê yê Girûpa Îkonîmîst ya Birêtanî berçav kir, yaku çavdêriya rewşa 165 dewletên serbixwe û du herêman di sala 2020 de kiriye, û xebat li ser pîvanên nîşanên demoqrasiyê di riya 5 beşan re çêkiribû, ew jî ev in: pirosesa hilbijartin û piralîbûnê, şêweyê karê hikûmetê, beşdariya siyasî, çanda siyasî û azadiyên sivîl.
Û tekez kir ku hatina sûriyê di pileya herî dawîn ji nîşanên demoqrasiyê de, ne tiştekî seyr e, ji ber ku sûriya welatekî ku hilbijartin bi wateya xwe ya rasteqîn li ser hemû astan lê nîne, çi li ser asta serokatiyê be yaku raporê du caran şopandiye nemaze salên 2007 û 2014, an di warê hilbijartinên encûmena gel de, an hilbijartinên rêvebiriyên xwecihî, an hilbijartinên sendîkeyan û yekîtiyên pîşeyî, an helbijartinên saziyên xwendekaran be, her weha pirosesên sextekirina temamî ya hilbijartinan li ser hemû astan, a ku yek ji sembolên bingehîn e li bal rijêma Esed ji dehên salan de, çimkê pirosesa hilbijartinê a ku wezareta navxwe rêvebiriya wê dike, encamên wan hilbijartinan ji aliyê amûrên ewlekariyê ve têne kontirolkirin.
Û amaje kir ku ev nîşan rijêmên desthilatdar li welatan ji hev cuda dikin, hin ji wan demoqratiya wan tekûz e, hinin din kêmaniyên demoqratiya wan hene, welatin demoqratiya wan tevlîhev e, hin din jî stemakarî ne, û ew nîşan diyar dikin ku rijêma Sûriyê û banda wê ya ji derveyî yasayê stemkarî ye, û ew bûne sedema derdeseriyên sûriyan sertaserê deh salan, û gereke civaka navdewletî rêşûnên nerewabûna rijêmê ya yasayî bicî bîne, û peyketina serkirdeyên wê bike û wan radestî dadgehên navdewletî bike.
Û amadebûyan tekez kir ku şoreşa Sûriyê ji destpêka xwe de hovbûna rjêma Esed ya ku tevaya nîşanan şikandin û sîstema navdewletî binpê kir eşkere kir, lewra divê mîkanîzmayin rasteqîn werin dîtin ku di riya wan re daniştgehên dîplomasî ji vê rijêmê werin standin, û berdêlekî ji Hevbendiya Niştimanî ya Sûrî bo wan cîgehan pêşkêş bikin, û hişyariya civakî û hilgirtina berpirsyariyan û bicîanîna erkan , gerantiya rasteqîn e ji bo bicîanîna vê yekê.
Jêder: Ofîsa Ragihandinê ya Hevbendiya Niştimanî ya Sûrî
