Ofîsa Partî û Şepêlên Siyasî di Hevbendiya Niştimanî ya Sûrî de, civînek li gel Partiya Peymana Niştimanî bo Dadmendî û Destûrê “Elwe’id” li dar xist, û bi hev re rewşa aliyên niştimanî yên Sûrî û pêşhatên proseya siyasî li Sûriyê gotûbêj kirin
Û di civînê de ji aliyê Hevbendiya Niştimanî ve, Cîgirê Serokê Hevbendiyê Ebdulmejîd Berekat, Hevrêzkarê Ofîsê Ebdulah Gedo û endamên Ofîsê Farûq Teyfûr, Mihemed Elî Îsa û Yehya Maktebî beşdar bûn.
Û Ji aliyê partiya “Elwe’id” ve, Serokê Partiyê Mihemed Zuhêr Elxetîb, Cîgirê Serokê Partiyê Xalid Şibîb, Serokê Ofîsa Siyasî Husên Wehûd û Serokê Encûmena Rûspiyan ‘Amir Faris amade bûn.
Û amadebûyan rewşa partiyên niştimanî yên Sûrî û kar û çalakiyên siyasî yên ku bi wan hatiye spartin, û pêwîstiya danîna nexşeyekê ku hemû partî tê de hebin, da ew nexşe alîkar be ji bo pevgirêdana wan partiyan û parvekirina nerînên wan gotûbêj kirin, û tekezî li ser pêwîstiya kar û bizavê kirin, bi armanca komkirina piştevaniyê ji bo xizmeta armancên gelê Sûriyê û şoreşa wî ya berdeam.
Û di civînê de amadebûyan piroseya siyasî, û rewşa doza Sûriyê û asta amadebûna wê li ser maseya civaka navdewletî û pileya jidilbûnê di cîbicîkirina biryarên navdewletî yên derbarê wê de gotûbêj kirin.
Û amadebûyan behsa asta gengaziya hebûna nûnerên curbecur sektor, partî û kesayetiyên niştimanî di Hevbendiyê de kirin.
Û herdu alî li ser berdewamiya têkiyan û lidarxistina hevdîtinên rolane li gorî pilaneke destnîşankirî ku sûdê bighîne berfirehkirina çarçoveya pêwendiyan berve mezintirîn hejmar ji partiyên niştimanî yên Sûrî de, bo pêkanîna mezintirîn asta hevtemamkirinê, bi armanca lezkirina bidawîanîna derdeseriyên gelê Sûriyê yê bendewarê azadî û dadmendiyê, li hev kirin.
Jêder: Ofîsa Ragihandinê ya Hevbendiya Niştimanî ya Sûrî
