Ofîsa Partî û Şepêlên Siyasî ya Hevbendiya Niştimanî ya Sûrî, civînek bi Partiya Çep a Demokrat a Sûrî re li dar xist, têde pêşhatên dawî yên rewşa meydanî ya piştî erdheja ku li deverê daye û encamên wê û rewşa siyasî ya giştî, û mîkanîzmayên pêşxistina peywendiyên di navbera partî û aliyên siyasî yên Sûrî de gotûbêj kirin.
Û di civînê de ji aliyê Hevbendiya Niştimanî ve, Hevrêzkarê Ofîsê Ebdellah Gedo, û Endamên Ofîsê Ebdulmejîd Berekat, Ferûq Teyfûr, Ehmed Tu’hmê, Mihemed Elî Îsa û Yehya Mektebî amade bûn, û ji aliyê Partiya Çep ve, Safwan Mûşlî, Zekî Eldrûbî, Mihemed Yûsif, Selah Henaya, Cum’a Jano, Nafi’h Harba û Rîta Elelî amade bûn.
Û Hevrêzkarê Ofîsa Partî û Şepêlên Siyasî Ebdellah Gado, behsa giringiya karê hevbeş kir ji bo ruxandina rijêma milîsan ya ku ev 60 sal in welat kontrol dike kir, û li ser pêwîstiya ku sendoqên dengdanê bi awayekî demoqratîk bên danîn û wekhevî di erk û mafan de ji tevaya sûriyên xwedan çandên ciyawaz re peyda bibe axivî.
Û Partiya Çep a Demokrat, tekezî li ser yekitiya Sûriyê bi xak û gelê wê ve û rûxandina rijêma stemkar û kujer, ya çaksazkirina wê ne pêkan e, ya samanên gelê Sûriyê talan dike kir, ji bo vegugestina welat ber bi dewleteke piralî, demokrat û sivîl, û redkirina tundrewiyê bi hemû awayên wê, û derketina hemû hêzên dagirker ji Sûriyê.
Û Herdu aliyan tekezî li ser destpêkirina çalakiyên hevbeş û mukumkirina karên hevbeş yên ku divê li gel Hevbendiya Niştimanî xurt bibin, û kar li ser berfirehkirina xalên niştimanî yên hevbeş bibe, ji bo yekkirina rêzan bi awayekî zêdetir, û bal kişandin ser tevgera vê dawiyê ya asayîkirina têkliyan bi rijêmê re, û bikaranîna kirîza erdhejê ji bo wê armancê, û lezandina dewletên ereb û Parlamana Erebî ber bi asayîkirina têkliyan û serdana serokê rijêmê .
Û Amadebûyan behsa asoyên piroseya siyasî û zehmetiyên li pêşiya karê wê kirin, û cextî li ser pêwîstiya livandina dosya Sûriyê di civînên navdewletî de û kartêkerkirina proseya siyasî û xwestina cîbicîkirina biryarên navdewletî yên derbarê Sûriyê, û di pêşî de daxwiyaniya Cinêvê û herdû biryarên 2118 û 2254, kirin.
Jêder: Ofîsa Ragihandinê ya Hevbendiya Niştimanî ya Sûrî
