Ofîsa Peywendiyên Derve ya Hevbendiya Niştimanî ya Hêzên Şoreş û Rikberiya Sûrî, civîna xwe ya rolî lidar xist, têde behsa hejmarek ji kêşeyên giring li ser asta meydanî û dawîtirîn pêşhatên siyasî kirin.
Û beşdaran mekanîzmên cîbicîkirina pilana karê Ofîsê di çarîka yekem ji sala 2020an de gengeşe kirin, û giringî dan mukumkirina têkiliyên hevbeş li gel dewletên dost û yên birayên gelê Sûriyê, bi armanca komkirina helwestên xurttir ji bo piştgiriya şoreşa gelê Sûriyê û mafên wî yên rewa yên azadî û demoqrasiyê, û gihiştina çareseriyeke siyasî li gor biryarên navdewletî û di serî de biryara 2254.
Û yek ji karên pilanê ew bû, pirkirina hevdîtin û serdanan bo şande û balyozên dewletên dost û yên birayên gelê Sûriyê, ji bo ronîkirina rewşa metirsîdar ya ku Idlib têde dijî, û giringiya sivikkirina bandorên bobelata mirovî ya ji encama operasyonên bombebaranê û derbiderbûna çêbûye.
Paş re civîngeran behsa erkên nûnertiyên Hevbendiya Niştimanî li dewletên Yekîtiya Uropayî û dewletên Ereb , û pilana karê wan ya dahatî kirin, û tekezî kirin li ser giringiya çalakkirina karê nûnertiyan û bestina hevdîtinan li gel aliyên fermî û gelêrî li wan dewletan ji bo gihiştina çaktirîn peywendî li gor bercewendiyên hevbeş.
Jêder: Ofîsa Ragihandinê ya Hevbendiya Niştimanî ya Sûrî
