Ofîsa Revendan ya Hevbendiya Niştimanî ya Sûrî, civînek bi Serkirdeyên Revendên Sûrî yên li Amerîka re ji bo gengeşekirina kêşeyên pêşhatî yên li herêmê û cîhanê û bamdora wan li ser dosya Sûrî li dar xist.
Û di civînê de ji aliyê Hevbendiya Niştimanî ve Serokê Hevbendiya Niştimanî Salim Elmislit û herdu cîgirên Serok Ebdulhekîm Beşar, Ebdulehad Istêfo, Sekreterê Desteya Siyasî Ebdulmejîd Berekat û Hevrêzkarê Ofîsa Revendan Mihemed Yehya Maktebî amade bûn.
Û ji hêla Revenda Sûrî ya li Amerîkayê ve: Zekî Lebabîdî, Mîrna Berq, Wail Elseawah, Heysem Elbizim, Meysa Qebbanî, Suzan Mirêdin, Samer Elfettal, Zahir Sehlûl, Fîras Elhilû, Şadî Martînî û Qutaiba Idlibi di Civînê de amade bûn.
Û Beşdaran rewşa deverên rizgarkirî û xwepêşandanên ku vê dawiyê derketine û redkirina lihevhatina bi rêjîma Esed ya kujer re gotûbêj kirin, û civîngeran kiryarên Ewropî yên dawîn wek serdanên hin şandeyan bo deverên di bin destê rijîma Esed de her weha proseya çaksaziyê di Hevbendiya Niştimanî de gengeşe kirin.
Û civîngeran li ser pirsgirêkên xwendinê û qeyranên debara jiyanê û yên aborî yên ku welatiyên Sûriyê li deverên rizgarkirî têre derbas dibin, û bandora krîza aborî ya cîhanî li ser wan deveran axivîn, her weha bombebarankirina sivîlan li deverên rizgarkirî ji aliyê rijîma Esed û milîsên PYDe yên terorîst ve.
Û Serokê Hevbendiya Niştimanî Selim Elmislit got ku tevî hemû rewşan, gelê Sûriyê xwirtbûna vîna xwe ya şoreşgerî çesipand û redkirina xwe ji hemû pêşniyarên lihevhatina bi rêjîmê re anî ziman, û cext kir ku Sûrî di wê baweriyê de ne ku Esed çavkaniya terorê ye li Sûriyê û herêmê.
Û Elmislit got ku Hevbendiya Niştimanî pabendiyê bi şert û mercên navdewletî yên çareseriya siyasî û di pêşî de biryara 2254 dike, û tekeziyê li ser kûrbûna peywendiyan bi Tirkiya hevpeyman re dike, û bal kişand ser ku piroseya çaksaziyê di Hevbendiyê de berdewam e û armanca wê bihêzkirina Hevbendiyê û bilindkirina asta nûneratî û beşdariyê wê ye, û careka dî tekezî li ser giringiya rola Revendan bi taybetî Revenda Sûrî li Amerîka her weha dîtina şêweyên hevkarî û hevrêziyê di navbera wan û hevbendiyê de kir.
Jêder: Ofîsa Ragihandinê ya Hevbendiya Niştimanî ya Sûrî
