Ofîsa Sendîke û Yakîtiyan ya Hevbendiya Niştimanî ya Sûrî, civînek ji dûrve li gel Emîndarê Giştî yê Komîteya Niştimanî ya Olompî ya Sûrî Ehmed Cemîl Elelî û Serokê Komîteya Rêxistinkirina Xola Sûrî, Ebdellah Elnasir, lidar xist, daku behsa ketwarê werzişa Sûrî û çalakiyên ku werzişvanên Sûrî li deverên rizgarkirî û dewletên lê bûne penaber pê radibin û pilanên xwe yên pêşerojî bikin.
Û di civînê de Serokê Hevbendiya Niştimanî D. Nesir Elherîrî û Hevrêzkarê Komîteya Sendîke û Yekîtiyan Ebdilmejîd Berekat amade bûn.
Û Serokê Hevbendiya Niştimanî tekezî li ser giringiya rola mezin yaku werzişvanên Sûrî yên azad li deverên rizgarkirî û li dewletên lê bûne penaber pê radibin kir, û şanaziya xwe bi serkeftinên werzişî yên ku tevî rewşên dijwar û karînên darayî yên pir hindik pêşkêş dikin anî ziman.
Û bal kişand ser pêwîstiya ku werzişa Sûrî ya azad xurt be, û wê ji werzîşên xweser ber bi werzîşên rêxistinkrî û profeşyonal ve bibn.
Ji aliyê xwe ve Ehmed Cemîl Elelî li ser pêwîstiya ku pergal û siyaneke giştî hebe da siponseriya tevaya werzişên Sûrî çi yên li deverên rizgarkirî an yên li dewletên penaberiyê bin bike axivî, û karê ku Komîteya Olompî pê radibe ji bo ku hemû werzişvanên Sûrê di cûrbecûr warên siporê de vehewîne û yekîtiyên werzişê damezrîne daku veguhêze qonaxa profeşyonalî berçav kir.
Û Ebdellah Elnasir çalakiyên Xola Sûrî li Tirkiyê yaku ji 74 tîman pêk tê û li ser pileya yekemîn û pileya duyemîn belavkirî ne berçav kir, û bal kişand ser çalakiyên xolê yên berdewam ji sê salan de, Li gorî pîvanên diyar daku destûrê bide tîmên ku dixwazin tevlî xolê bibin.
Û di dûv re Hevrêzkarê Komîteyê Ebdulmejîd Berekat li ser keda mezin ya ku werzişvanên Sûrî li deverên rizgarkirî û dewletên penaberiyê daku hêviyên wan pêk bîne axivî, her weha rêxistinkirina rêzên wan û veguestina berve werzişeke rasteqîn û rêxistinkirî daku beramberiya rijêmê di hemû waran de bike.
Û amadebûyan xebatên ku Hevbendiya Niştimanî ya Sûrî ji bo ku hêviyên werzişvanên Sûrî pêk werin çi li ser asta fermî ji bo werzişa Sûrî an di piştgiriya tevaya çalakiyên werzişî de li deverên rizgarkirî û derveyî Sûriyê temaşe kirin.
Û li ser pilanên pêşerojî yên ku Komîte li ser kar dike rawestiyan, di nav de avakirina yekîtiya fotbola sûrî, yaku dê di hundir yekîtî û komîteya olompî ya Sûrî de be, her weha amadebûna ragihandina avakirina tîmê Sûrî roja şemiya dahatî di riya kongirekî niştimanî re.
Jêder: Ofîsa Ragihandinê ya Hevbendiya Niştimanî ya Sûrî
