Serokê Hevbendiya Niştimanî ya Sûrî D. Nesir Elherîrî civînek ji dûr de li gel Nûnerê Firansa yê taybet bo Sûriyê Francois Cinemo lidar xist û pêre dawîtirîn pêşhatên siyasî û meydanî li Sûriyê gengeşe kirin.
Û Elherîrî li ser zêdebûna pêketiyên vîrosa korona li deverên rizgarkirî axivî, û hişyarî da ji metirsiya ku vîros bighêje kampên ku hejmara wan zêdetir ji 1160 kampî ye, 400 jê kampên bêserûber in, û yên ku alîkarî bi awayekî rêkûpêk naghêje wan û hewcedarên piştigirî û alîkariyê ne.
Û Elherîrî daxwaza beşdariyê di pêşkêşkirina alîkariyan ji kesên hewcedar re di kampên deverên rizgarkirî de kir, û xwest ku ew piştgiriya Hevbendiya Niştimanî ya Sûrî û Hikûmeta Sûrî ya Demkî bo rûbirûbûna metirsiyên vîrosa korona bikin.
Û herdû aliyan pêşhatên pirosesa siyasî û rewşa leşkerî berçav kirin, û Elherîrî tekez kir ku rijêm û siponserên wê hewil didin ku bi mebest rêkeftina agirbestê yaku di heyva adara borî de hatiye îmzekirin têk bibin, ew jî di riya gurkirina operasyonên leşkerî û bombebarana asîmanî ya li pey hev dijî deverên rizgarkirî.
Û tekez kir ku pirosesa siyasî jî bi heman awayî di aliyê ejende û qayîdeyên rêşûnî de rêve diçe, û tiştekî nû têde nîne, û bal kişand ser ku ew ti pêşketinê di karên Komîteya Destûrî ya Sûrî de an di pirosesa siyasî de li gorî biryara 2254 pêk nayne.
Û got ku rijêm di rêbaza astengkirin û bipaşxistinê de berdewam e, heyanî dema hilbijardinên serokatî yên giştî di sala dahatî de.
Ji aliyê xwe ve Balyozê Firansa tekezî li ser berdewamiya welatê xwe di piştgiriya Hevbendiya Niştimanî û mafên gelê Sûrî di azadî û rûmet û demoqratiyê de kir, û cextî li ser girîngiya pêwendî û hevkarî û hevrêziyê bi pêkanîna berjewendiyên hevbeş kir.
Jêder: Ofîsa Ragihandinê ya Hevbendiya Niştimanî ya Sûrî
