Ofîsa Têkliyên Derve ya Hevbendiya Niştimanî ya Sûrî, civata rolane ya Nûnerên Hevbendiyê bi amadebûna Hevrêzkarê Ofîsê û Endamên Wê û Nûnerên Hevbendiyê li dewletên Erebî û Biyanî lidar xist, û bi hev re behsa pêşhatên rewşa li Deraa û gurkirina leşkerî ji aliyê rijêma Esed û piştgirên wê ve dijî bajêr û helwestên dewletan derbarê vê gurkirinê kirin.
Û di civatê de Cîgirê Serok û Hevrêzkarê Ofîsê Ebdilehed Istêfo û Endamên Ofîsê Dîma Mûsa, Hatim Eldahir, Atif Zirêq û Fîras Elmesrî beşdar bûn.
Û amadebûyan danûstandina hin dewletên têkildar û xwedî bandor di doseya Sûriyê de berçav kirin, li gel şopandina tevger û nerîna tevaya dewletan derbarê gurkirina ku rijêm û piştgirên wê li başûrî welêt pê radibin.
Û amadebûyan tekezî li ser pêwîstiya livandina mijara Deraa di tevaya hevdîtin û boneyên fermî û nefermî yên ku Hevbendiya Niştimanî û nûnergeha Netewên Yekbûyî û saziyên navdewletî û nûnerên dewletan pê radibin kirin, û cext kirin ku pêwîste wêneyê rasteqîn yê li ser zemînê çêdibe ji tawan û binpêkirina mafên mirovan û derdeseriyên sivîlan li wir bighînin cîhanê.
Û amadebûyan tekez kirin ku tiştê li Deraa pêk tê tawanên cengê yên nû ne ji hêla rijêm û piştgirên wê ve, û Rûsiya di riya helwestê xwe re ne aliyekî garantor e, lê ew pişkdar e di tiştê ku pêk tê de.
Û civatê behsa rola nûnerên Hevbendiyê di helmeta piştevaniya navdewletî yaku Hevbendiya Niştimanî bo piştgiriya Deraa pê radibe kir, wek nameyên diplomatîk û yadnameyên yasayî bo Wezaretên Derve û saziyên navdewletî derbarê binpêkirinên ku rijêma Esed û piştgirên wê dijî xelkê bajêr pêk tîne.
Û amadebûyan pilana ofîsê bo dema dahatî û amadekariyên serdana Washington û civatên Komeleya Giştî li New Yorkê gengeşe kirin.
Jêder: Ofîsa Ragihandinê ya Hevbendiya Niştimanî ya Sûrî
