Cîgirê Serokê Hevbendiya Niştimanî Sûrî Hîşam Merwa got ko Pêşinyara Emerîkî ji Encûmena Ewlekariya Navdewletî re ya ji bo damezirandina Komîta Vekolîna Kîmyawî, da bizanin kê Gaza Kilor li Sûriyê bikar aniye dereng hat. Merwa got: “eger di dema heftiyekê piştî bûyerê ba wê bihata bawerkirin ne piştî bi mehan ketiye.”
Merwa bêtir got: “em bi hêvî ne ko vekolîn ne di pêvajoyeke din de bên, çimkî aliyê ko çekên kîmawî di destê wî de ne xuya ye, ew jî Rêjîma Esed e, û belgenameyên dîdevaniyê jî hene, û ji Encûmena Mafê Mirovan û ji Komîta Peyketina rastiyê re hatine şandin.”
Lê Merwa hêvîdare ko ev “pêşinyar beşdarriyê di fişarê li ser Rêjîna Esed bike, da ewan tawankariyan bide rawestandin û ber bi çareseriya siyasî de here.” Got ko ev Çareserî”ewê cenga rêjîma Esed li ser miletê Sûrî birawestîne û ewê wî ji kuştina Sûriyan bide sekinandin û dê Esed ber bi dadgehên navdewletî de bişîne. ”
Merwa tekez kir ko Emerîka û hemû dewletên Rojava “hemû pêzanînên bêguman di destê wan de hene ko Esed gaza kilor bikar aniye, lê pirsa ko herdem tê pêş, gelo wê biryara 2209 bête cîbicîkirin(ya ko ji netewên yekbûyî di 6 adara sala par de derketiye.) ya ko bikaranîna gaza kîmawî li Sûriyê pirotesto dike û hem jî li jêr benda heftan sizakirina yê ko bikar aniye tekez dike.”
Merwa bêtir got “axaftin li ser kartêkirina xala taybet ya biryara Encûmena Ewlekariyê pir dereng hat. Lê derenghatin ji nehatinê çêtir e. Bal kêşand ser ko piştî biryara netewên yakbûyî derket rêjîma Esed 35 caran bikar aniye lê bi giştî 90 caran hatiye belgekirin, ji gava ko çekên kîmawî radest kirine û Rêjîm tevli rêkxistina qedexekirina çekên kîmawî bûye. ”
Waşinton êvara roja pêr pêncşembê pêşinyar kir ko tîmek taybet çê bibe, da berpirsyarên bikaranîna gaza kilor destnîşan bikin, ko çavdêrên Rojavayî hêzên Esed pê tuhmetbar kirin.
Li gora pirojeyê biryarê ya ko Waşinton roja pêncşembê ew pêşinyar kiriye, ew şande ya ko navê “Mîkanîzmeke hevbeş ji bo vekolînê” û dê karê wê “Bi hemû rê karînên xwe Kes û Deste û Komek û Desthilatan” yên ko beşdarî di bikaranîna çekên kîmawî de kirine destnîşan bikin.
Jêder: Hevbendî+Elşerq Elewset
