Emîndarê giştî yê komîta Olompî ya niştimanî Sûrî, Ehmed Cemîl Elelî, û serokê ofêsa lîstikên kombeş di komîtê de Şakir Himêdî, bi hevrêzkarê xortan û werzişa Tirkiyê birêz Mihemed Sedîq Yildirim li paytexta Tirkiyê Enqere hevdîtin kirin.
Hevdîtin bi hevrêzkariya Hevbendiya Niştimanî ya Hêzên Şoreşê û Rikberiya Sûriyê çêbû, Herdu aliyan karînên hevkariyê derbarê werzişa Sûrî bi giştî û ya herêmên rizgarkirî bi taybetî, li ser hevkarî bo pêşdebirina werzişa Sûrî û guhdana bi arezûmendên werzişê ji hemû temenan lihev kirin.
Endamê desteya siyasî û birêveberê ofêsa sendîkeyan û yekîtiya werzişkarî ya Hevbendiya Niştimanî Ebdilmecîd Berekat, diyar kir ko bizav hene ko hemû karmendên biwara werzişê li herêmên rizgarkirî û welatên penaberên Sûrî li wan hene kom bikin.
Berekat destnîşan kir ko armanca Hevbendiya Niştimanî ew bû ko dosya werzişê bibe dosyake Sûrî ya niştimanî û dûrî pişkan û lihevparkirinê bibe, û Got: “Serkeftin di vê dosyayê de dê bihêle bibe dosyayek fişarê li ser rêjîma Esed, çimkî şer ne tenê siyasî û çekdarî ye, lê şer piralî ye, û meydana werzişê ne kêmî meydanên din e. ‘’
Bal kêşand ser ko komît kar dike bo rolekelîskeke tekûz ji gogapê re li hemû herêmên rizgarkirî çêbibe, û hemû yane têde beşdar bibin, û bêtir got: Gerek e kar ji bo hevkariya bi Tirkiyê û hin dewletên heval re bibe, bo piştgiriya vê rolelîskê bikin, û danpêdan pê bête kirin.
Û diyar kir ko komîta Olompî ya Sûrî malpera xwe ya fermî li ser tora Internetê ragehandiye, bo nûçeyên bi karê komîtê ve têkildar in belav bike, û şopandina ragihandinî ji çalakî û beşdarbûnên werzişa Sûrî re li herêmên rizgarkirî û derveyî welat bike û nûçeyên wan veguhêze.
Jêder: Ofêsa Ragehandinê ya Hevbendiya Niştimanî