Duhî di pêwendiyekê bi telefonê de, rêxerê giştî yê Desteya Bilind Ya Danustandinan Riyad Hicab, gengeşe ligel wezîrê karubarê derve yê Almaniya Firank Şitayinmayir kir, der barê dîtina mîkanizmên nû ji derveyî encûnena asayîşa navdewletî ji bo rawestandina oparesyonên serbazî yên terorîstî yên rejima Esed û hevalbendên wê li dijî xelkê Sûriyê, û nemaze yên li Helebê, û kiryarên koçberkirina neçarî û guherandina demografîk li gundewarê Şamê.
Hicab di pêwendiyê de, tekezî li ser giringiya standina biryarekê ji komeleya giştî ya NY kir ji bo şikandina “Vîto”ya Rûsiya ya alîger ji Rejimê re, û herwiha dîtina çareseriyên nû ji bo rawestandina armanckirina sivîlan û dabînkirina veguhestina siyasî ya ligor biryarên navdewletî yên taybet, û raguhestina berpirsên rejimê bo dadgeha tawanên navdewletî.
Herwiha Hicab cext li ser bêdadî û neyasayiya rejimê kir, piştî kuştina bi sedhezaran ji xelkê Sûriyê û derbiderkirina nîvekî ji gel, û radestkirina navçeyên welat bo milîsên tayîfeperist û herdu dagîrkeriyên Rûsiya û Îranê, hevdem daxwaza qewitandina balyozê Rejimê yê li Niyoyorkê kir.
Di pêwendiyê de herdu aliyan pêşhatên siyasî û nemaze rojeva herdu civînên Lozan û Londonê yên wê îro şemiyê û sibe yekşema bêne lidarxistin gengeşe kirin.
Wezîrê derve yê Almaniya ji aliyê xwe ve, behsa hewlên welatê xwe yên ji bo kêmkirina êş û azarên gelê Sûriyê û derbaskirina alîkariyên mirovî bo xelkê dorpêçkirî kir, û herwiha pêşbîniya dîtina çareseriyekê di rojên bê de kir, û destxweşiya rola erênî ya desteya bilind ya danustandinan ji bo peydakirina aştî û seqamgeriyê li Sûriyê kir.
Jêder: Hevbendî
