Nesir Elherîrî sekertêrê giştiyê Hevbendiya Niştimanî bi tundî komelkujî û kuştarên pir bi sehm û tirs yên rêjîma Esed li bajarê Bab û bajarokê Qebasîn li gundewarê Helebê û li bajarokê Zibdîn pêk anîn şermezar kirin, ku bêhtir ji 60 sivîlî bûn qurbanî, û di nav wan de jin û zarok û bi dihan birîndar hebûn, û duhî di daxuyaniyekê de Elherîrî berdewamî û pirkirina tawankariyên Esed li dijî sivîlan ji encama ” bêdengiya civaka navdewletî û hêzên Hevpeymaniyê yên metirsiya rêxistina DAÎŞ ê bi sereketirîn gef dibînin û di heman demê de jibîr dikin ku rêjîma Esed çavkaniya serekî ya terorê ye”. herwiha hişyarî da ” Hevpeymaniya Navdewletî ji berdewamiya çavgirtinê ji tawanên tirsinak yên rêjîma Esed yên li pêş çav û guhê Cîhanê pêktîne”, di heman demê de daxwaz ji Hevpeymaniyê û ji Civaka Navdewletî kir ji bo” pêwîstiya bilezkirina sepandina Navçeyên Tampo kirî li bakur û başûrê Sûriyê, û bi pêşkêşkirina piştgiriya pêdivî pê heye bo artêşa Azad bi awayekî ku parastina Sivîlan bike û alava serbaziya Esed rawestîne”. Elherîrî tekez kir ku:”Hevbendiya Navdewletî ji aliyê leşkerî ve dikare parastina Sûriyan ji bermîlên teqîner û gazên jehrê yên Esed bike, lê ew vîn û heza tê xwestin nîne ji bo hindê, ku ev çende şikestina stratîjiya Hevpeymaniyê diçespîne ya hewla çareserkirina kenarên aloziyê dide ne çareserkirina ra û binyatên wê ku ew jî rêjîma Esed e”.
Jêder: Hevbendî
