Serokê Hevbendiya Niştimanî ya Sûrî Hadî El-Behra, bizavên Polîsên Leşkerî yên ji bo kontrolkirina ewlehî û aramiyê li Navçeyên Rizgarkirî bilind nirxand, û tekez kir ko rêjîma Esed bi gelek awayan hewl dide bêserûberî û wêraniyê li van deveran belav bike.
El-Behra tekezî li ser giringiya karê polîsên leşkerî ji bo parastina civakê û dabînkirina ewlehiya xelkê ji belaya madeyên hişber kir, û piştgiriya xwe ji hemû operasiyonên ewlekarî yên rê li ber wan kesên ku dixwazin bêserûberiyê li Navçeyên Rizgarkirî çêkin digrin nîşan da.
Tê zanîn ku roja pêncşemê, 8ê Sibatê, polîsên leşkerî li bajarê Efrînê li gundewarê Helebê karîne dest deynin ser qebareyeke mezin ji madeyên hişbir ku ji navçeyên di bin kontrola rêjîma Esed de bi qaçaxî hatibûn.
Polîsê leşkerî diyar kir ku wan pênc kesên ku di qaçaxiya madeyên hişbirê de ji deverên di bin kontrola Esed de kar dikirin, bi operasyoneke mukum girtin, û bal kişand ku wan nêzîkî 50 kg “haşîş” ji qaçaxçiyan desteser kirine, û dosya şandine dadgeha serbixwe ji bo dadgehkirina tawanbaran.
Jêder: Ofîsa Ragihandinê ya Hevbendiya Niştimanî ya Sûrî
